ესპანურ შეკრებაზე გამგზავრებულ დანიურ "ორჰუსს" მხოლოდ ორი ჩვენებური გაჰყვა - მათე ვაწაძე და დავით სხირტლაძე. გუნდთან ერთად ვერ ემზადება 27 წლის დავით დევდარიანი, ვისაც, აგერ, უკვე რა ხანია, ტრავმა აწუხებს.მაინც რა სჭირს ასეთი მოურჩენელი ფეხბურთელს, ვინც თავისი პოტენციალით დღეს საქართველოს ნაკრებს შეიძლებოდა გამოსდგომოდა?
ვისაც ერთხელ მაინც უნახავს დევდარიანის თამაში, დაგვეთანხმება - მისი ტექნიკური, რბილი სათამაშო მანერა, მოედანზე მოქმედების მასშტაბი და პასის გამორჩეული კულტურა ამ ფეხბურთელს დღევანდელ ჩვენს რეალობაში სერიოზულ ფასს სძენს.
მეორეა მოთამაშის შინაგანი ბუნება. განათლებული, ზრდილობიანი, უწესიერესი -
დიდი მცდელობის შემდეგ, როგორც იქნა, დავითს ხმა მივაწვდინეთ. აი, რა გვითხრა მან:
"სამწუხაროდ, თამაშის საშუალებას ზურგის ტრავმა არ მაძლევს. ამ ეტაპზე სხვას ვერაფერს გეტყვით. ძალიან დიდი მადლობა თანადგომისათვის".
იმედს ვიტოვებთ, რომ დევდარიანი მინდორს მალე დაუბრუნდება.
ყოველდღიური სპორტული გაზეთი "ლელო"
![სხირტლაძემ მეტოქეს სახეში დაარტყა და გააძევეს - ქართველების ჩხუბი თურქეთის ჩემპიონატში [VIDEO]](/pictures/image7/f41ad1c0c4b9994b6e719d22df4628cd.jpg "სხირტლაძემ მეტოქეს სახეში დაარტყა და გააძევეს - ქართველების ჩხუბი თურქეთის ჩემპიონატში [VIDEO]")
