ჰოლანდიაში გამოვიდა არნემის "ვიტესის" საკლუბო ჟურნალის, "ჩემი ვიტესის" მორიგი ნომერი, რომლის მოწინავე ინტერვიუ გუნდის კაპიტან გურამ კაშიასთანაა. ამ ინტერვიუში ქართველი მცველი აცხადებს, რომ არ იქნება წინააღმდეგი, თუკი "ხელრედომზე" უფრო დიდხანს დარჩება. შეგახსენებთ, რომ ახლანდელი კონტრაქტით, 27 წლის კაშია 2016 წლის ზაფხულამდე "ვიტესის" ფეხბურთელია.
"მსურს, უფრო დიდხანს დავრჩე არნემში. შესაძლოა, კარიერის დასრულებამდეც, თუმცა ფეხბურთში წინასწარ არავინ იცის, რა მოხდება. შესაძლოა, გამოჩნდეს უფრო ძლიერ ლიგასა და კლუბში გადასვლის შანსი. მეც, როგორც ყველა სპორტსმენს, მიზნად წარმატებული კარიერა მაქვს დასახული", - განაცხადა ინტერვიუში კაშიამ.
21 მარტს "ვიტესი" "გო ეჰედ იგლსს" ხვდება. გურამ კაშია და ვაკო ყაზაიშვილი სასტარტო შემადგენლობაში მოიაზრებიან.
![ვაკო ყაზაიშვილის გოლი და საგოლე პასი ჩინეთის ჩემპიონატის ბოლო ტურში [VIDEO]](/pictures/image7/d6c709ea9eff9593884afc34c3f9ed10.png "ვაკო ყაზაიშვილის გოლი და საგოლე პასი ჩინეთის ჩემპიონატის ბოლო ტურში [VIDEO]")
![ჩემპიონთა ლიგა. III ტური: "რეალის" დიდებული ქამბექი და ქართველების გუნდების მორიგი წაგებები [VIDEO]](/pictures/image7/85f031dd491ca88e3b38145aab7d675a.jpeg "ჩემპიონთა ლიგა. III ტური: \"რეალის\" დიდებული ქამბექი და ქართველების გუნდების მორიგი წაგებები [VIDEO]")
