გუშინ, 9 აპრილს, ქართველმა ლეგიონერებმა მხოლოდ რუსეთისა და აზერბაიჯანის ჩემპიონატებში ითამაშეს. რუსეთის პრემიერლიგაში ჯანო ანანიძის "სპარტაკმა" გასვლაზე 0:1 წააგო ტულის "არსენალთან". ტრავმამოშუშებული ქართველი შემტევი "სპარტაკის" ძირითად შემადგენლობაში იყო.
ჯანო 84-ე წუთზე შეცვალეს, მანამდე კი მას ორი კარგი მომენტი ჰქონდა გოლის გასატანად, თუმცა დარტყმა ორივე შემთხვევაში დაუგვიანდა და ამით მასპინძელთა გოლკიპერს კარის გადარჩენის საშუალება მისცა.
აზერბაიჯანის პირველობაზე ლაშა კასრაძის აზალ-ი გასვლაზე 1:2 დამარცხდა "ყარაბაღთან". ქართველი მცველი წაგებული გუნდის სასტარტო შემადგენლობაში იყო.
უშუალო კონკურენტ "გაბალასთან" პრინციპული მატჩი წააგო გიორგი ჩიხრაძის გაწვრთნილმა "სიმურგმა"
კახა ცხადაძის "ინტერმა" კი დაისვენა, რადგან მისი მეტოქე "არაზი" ადრევე მოიხსნა აზერბაიჯანის ჩემპიონატიდან.
(იბეჭდება მცირე ცვლილებით)
ყოველდღიური სპორტული გაზეთი "ლელო"
