თურქული მედიის ცნობით, საქართველოს ეროვნული ნაკრების 32 წლის მცველი ალეკო ამისულაშვილი კარიერას თურქულ "ქარშიაკაში" გააგრძელებს. ალეკომ თურქეთის პირველი ლიგის გუნდთან, რომელიც მიზნად სუპერლიგაში აღზევებას ისახავს, კონტრაქტი 1+1 სისტემით გააფორმა.შეგახსენებთ, რომ ამისულაშვილს თურქეთში თამაშის გამოცდილება აქვს - მას შოთა არველაძის ხელმძღვანელობით "ქაისერისფორში" უთამაშია.
ამისულაშვილი ბოლოს ბაქოს "ინტერის" ღირსებას იცავდა. სეზონის დასრულების შემდეგ მისი გადაბირებით კი გორის "დილა" იყო დაინტერესებული.
საქართველოს ნაკრების შემადგენლობაში მას 36 მატჩში 3 გოლი აქვს გატანილი.
![თემურ ქეცბაიასა და შოთა არველაძის ემოციები საქართველოს ნაკრების ჰიმნის მოსმენისას - ვიდეო, რომელსაც ემოციების გარეშე ვერ უყურებთ [VIDEO]](/pictures/image7/64e54f39b624996d476cd976796a85f0.png "თემურ ქეცბაიასა და შოთა არველაძის ემოციები საქართველოს ნაკრების ჰიმნის მოსმენისას - ვიდეო, რომელსაც ემოციების გარეშე ვერ უყურებთ [VIDEO]")
