18 ივლისს ყაზანის "რუბინი" რუსეთის პრემიერლიგის პირველ მატჩს გამართავს - ცსკა-ს ესტუმრება. ავსტრიულ შეკრებაზე მყოფმა გუნდმა ბოლო ამხანაგური მატჩი გამართა, მეორე ბუნდესლიგის "ლაიფციგს" შეხვდა და 0:1 დამარცხდა. აღსანიშნავია, რომ რუსებმა თამაში 9 კაცის ამარა ჩაამთავრეს.
მატჩის 52-ე წუთზე საბა კვირკველია ბოლო იმედის ჯარიმისთვის გააძევეს. არ უთამაშია "რუბინის" რიგებში მამუკა კობახიძეს. სავარაუდოდ, მას "მორდოვიაში" გაუშვებენ იჯარით, სადაც ნუკრი რევიშვილი ითამაშებს.
კობახიძემ უკვე ითამაშა "მორდოვიას" რიგებში სერბულ შეკრებაზე, "რადნიკის" წინააღმდეგ. ტრანსფერი ჯერ არ გაფორმებულა, კობახიძეს ჯერ კიდევ აკვირდებიან.
