საქართველოს ეროვნული ნაკრებისა და პორტუგალიური "ფეირენშეს" მეკარემ, გიორგი მაკარიძემ გუნდის ვარჯიშზე ტრავმა მიიღო. ფეხბურთელს ოპერაცია გუშინ ჩაუტარდა.როგორც მეკარემ Sportall.ge-ს განუცხადა, ის დაახლოებით 1 თვეს გამოტოვებს.
"დაზიანება ვარჯიშზე მივიღე. მენისკის ოპერაცია გავიკეთე და ღვთის წყალობით, ყველაფერი კარგად დასრულდა. დაახლოებით 1 თვე გამიცდება. სამწუხაროა, რომ ნაკრების თამაშსაც ვერ მოვუსწრებ", - გვითხრა გიორგიმ.
შეგახსენებთ, რომ 29 მარტს საქართველოს ეროვნული ნაკრები თბილისში ამხანაგურად ყაზახეთის ნაკრებს გაეჯიბრება. მაკარიძის "ფეირენშე" კი 32 ტურის შემდეგ 55 ქულით მეოთხე ადგილზეა და ლიდერ "პორტოს" 4 ქულით ჩამორჩება.
