საქართველოს ნაკრების ყოფილი თავკაცის, კახა ცხადაძის გაწვრთნილმა ალმათის "ქაირათმა" ყაზახეთის ჩემპიონატში ზედიზედ მეორე გამარჯვება იზეიმა. 10 მაისს გამართულ X ტურის შეხვედრაში "ქაირათი" სტუმრად "ტობოლს" დაუპირისპირდა და ანგარიშით 2:1 გაიმარჯვა.აღსანიშნავია, რომ სტუმრები მატჩის დებიუტში პენალტიდან გაშვებული გოლით აგებდნენ, თუმცა შემდეგ "ქაირათის" კოტდივუარელმა ლეგიონერმა ჟერარ გოუმ დუბლი მიითვალა.
ამ გამარჯვებით კახა ცხადაძის გუნდმა სატურნირო მდგომარეობა გაიუმჯობესა და ახლა 14 ქულით მე-6 ადგილზეა. მომდევნო მატჩს ალმათელები შინ 15 მაისს, გოგიტა გოგუას გუნდის, "ირტიშის" წინააღმდეგ ჩაატარებენ.
