საქართველოს ეროვნული ნაკრების ყოფილმა მთავარმა მწვრთნელმა კახა ცხადაძემ ყაზახეთის ჩემპიონატში მორიგი გამარჯვება მიითვალა. მისმა გაწვრთნილმა "ქაირათმა" XIV ტურის შეხვედრაში შინ 5:2 მოუგო "ატირაუს".აღსანიშნავია, რომ ეს ცხადაძის გუნდის ზედიზედ მეექვსე გამარჯვებაა ჩემპიონატში.
ამავე ჩემპიონატში გოგიტა გოგუას "ირტიშმა" კი შინ 0:0 ითამაშა ყარაღანდის "შახტიორთან". ტრავმის შემდეგ გოგუა მოედანს დაუბრუნდა და მეშახტეების წინააღმდეგ თავიდან ბოლომდეც ითამაშა.
ყაზახეთის ჩემპიონატის სატურნირო ცხრილში "ირტიშს" 31 ქულით მეორე ადგილი უკავია, მესამეზე კი "ქაირათია" 26 ქულით.
(იბეჭდება მცირე ცვლილებით)
ყოველდღიური სპორტული გაზეთი "ლელო"
