ზურაბ ცისკარიძემ ბავშვობის ოცნება აისრულა და საქართველოს ნაკრებში ითამაშა. რუმინეთთან წაგების მიუხედავად, ბრძოლისუნარიანობითა და სწრაფი გადაწყვეტილებების მიღების უნარით დაგვამახსოვრა თავი. და რაც მთავარია - რუმინეთთან დებიუტი საგოლე გადაცემით აღნიშნა. 29 წლის უნივერსალი ესპანეთის ნაკრებთანაც დამაჯერებლად გამოიყურებოდა...ზურაბმა ზამთარში ჩეხეთის ელიტური ლიგის ბინადარ "ტეპლიცესთან" წელიწადნახევრიანი კონტრაქტი გააფორმა, მაგრამ, შესაძლოა, მალე კლუბი შეიცვალოს.
"სეზონის დასრულებამდე ჩეხებმა ხელშეკრულების 3 წლით გახანგრძლივება შემომთავაზეს, მაგრამ ჯერ პასუხი არ მითქვამს. მათ ჩემი პირობები წავუყენე. პარალელურად, მაქვს იმედი, რომ შესაძლოა, კარიერა ესპანეთში გავაგრძელო.
ორი წლის წინ სეგუნდა
ახლა ლაპარაკია რამდენიმე ესპანურ გუნდზე, რომლებიც ასევე სეგუნდა დივიზიონში გამოდიან. მეტიც - მენეჯერი მაიმედებს, რომ პრიმერა დივიზიონის ვარიანტებიც არის. ვნახოთ, ყველაფერი მალე გაირკვევა", - გვითხრა ცისკარიძემ.
(იბეჭდება მცირე ცვლილებით)
ყოველდღიური სპორტული გაზეთი "ლელო"
