რუსულმა kulichki.net-მა საქართველოს ეროვნული ნაკრებისა და "კრილია სოვეტოვის" მეკარე გიორგი ლორია რუსეთის პრემიერლიგის მეორე ტურის სიმბოლურ გუნდში შეიყვანა.შეგახსენებთ, რომ მეორე ტურში ლორიას გუნდი სტუმრად მოსკოვის "სპარტაკთან" მინიმალური ანგარიშით დამარცხდა, ქართველი მეკარე კი მატჩის გმირი იყო.
- ლეგიონი გუშინ: გიორგი ლორია წაგებული მატჩის გმირია! [VIDEO]
"მსაჯის სასტვენამდე "კრილია სოვეტოვს" მატჩის გადარჩენის იმედი რომ ჰქონდა, ეს მთლიანად ლორიას დამსახურებაა. პირველ ტაიმში "სპარტაკმა" რამდენჯერმე გაარღვია მათი დაცვა, მაგრამ ლორია ყველა ბურთს იგერიებდა, რაც კარში მიდიოდა. მეკარემ "კრილია" მეორე ტაიმშიც იხსნა რამდენჯერმე. ფაქტი:
მატჩის დასრულების შემდეგ ლორიამ კომენტარიც გააკეთა: "ის, რომ "სპარტაკს" ბევრი მომენტი ჰქონდა, მათ კარგ თამაშზე მეტყველებს. ფეხბურთში ყოველთვის ისე ხდება, რომ როცა ვერ იტან, შემდეგ გიტანენ... სამწუხაროა, რომ ამ შეხვედრაში ასე არ მოხდა.
მეორე ტაიმში გვქონდა რამდენიმე მომენტი ანგარიშის გასათანაბრებლად, მაგრამ ვერ შევქმენით იმდენი მომენტი, რამდენიც მეტოქემ. ბურთი ძელსაც კი მოვარტყით, თუმცა არ გაგვიმართლა", - ციტირებს ლორიას sport-express-ი.
