აკაკი გოგია კარიერას დრეზდენის "დინამოში" გააგრძელებს. 24 წლის მარცხენა მცველი გერმანიის მოქალაქეა და ამ ქვეყნის 18 და 19-წლამდელთა ნაკრებებშიც უთამაშია. გოგია იყო "ვოლფსბურგის", "აუსბურგის", "ზანკტ პაულისა" და "ჰალეშერის" ნახევარმცველი, 2015 წელს კი ინგლისური ჩემპიონშიფის (რანგით მეორე ლიგა) "ბრენტფორდთან" 4-წლიანი კონტრაქტი გააფორმა. მან ამ გუნდში სულ 13 მატჩი ჩაატარა.
რაც შეეხება დრეზდენის "დინამოს", თავის დროზე ის კომუნისტური გერმანიის ერთ-ერთი ყველაზე ტიტულოვანი კლუბი იყო, მაგრამ ბერლინის კედლის დანგრევის შემდეგ მხოლოდ ახლა ცდილობს საერთოგერმანულ სივრცეში ადგილის დამკვიდრებას და მეორე ბუნდესლიგიდან ელიტაში აღზევებას.
დრეზდენელებმა
უნდა ვივარაუდოთ, რომ ეს მადლობა უფრო მინგეს ეკუთვნის - დრეზდენული კლუბის ლეგენდა 2006-07 წლებში საქართველოს ახალგაზრდულ ნაკრებს წვრთნიდა და პარალელურად, ეროვნულ გუნდში კლაუს ტოპმიოლერსაც ეხმარებოდა.
გოგიას არსებობის შესახებ ქართველმა გულშემატკივრებმა სწორედ მინგესგან შეიტყვეს. მას 17-წლამდელთა ნაკრებშიც იწვევდნენ, მაგრამ რუსთავში დაბადებულმა და გერმანიაში გაზრდილმა გოგიამ სხვა არჩევანი გააკეთა...
(იბეჭდება მცირე ცვლილებით)
ყოველდღიური სპორტული გაზეთი "ლელო"
![გოლი, საგოლე პასი, 0:7 - ქართველი ლეგიონერების შაბათი [VIDEO]](/pictures/image7/3f676c82d932a292e05909aaa791a600.jpg "გოლი, საგოლე პასი, 0:7 - ქართველი ლეგიონერების შაბათი [VIDEO]")
