სპორტულმა გაზეთმა "ლელომ" ინტერვიუ ჩაწერა საქართველოს ფეხბურთის ფედერაციის ვიცე-პრეზიდენტ ალექსანდრე იაშვილთან.
Sportall.ge გთავაზობთ ამონარიდს ამ ინტერვიუდან:
- საინტერესოა, რა ხდება ზაურ მახარაძესა და ბექა ვაჩიბერაძესთან დაკავშირებით. ვიცით, რომ საქართველოს ნაკრებში მათი თამაში კანონმდებლობის გამო ფერხდება... და მაინც, როდის შეიძლება ვიხილოთ ისინი ეროვნულ გუნდში?
- ძალიან მნიშვნელოვანი თემაა და ეს არ ეხება მხოლოდ მათ. ჩვენი სურვილია, საქართველოს ნაკრებში ითამაშოს ყველა იმ ფეხბურთელმა, რომელიც არის ქართველი და გუნდს სარგებლობას მოუტანს. ეს ეხება გიორგი წიტაიშვილსაც. ამ ეტაპზე საქმე ასეა: ისინი უპრობლემოდ ითამაშებდნენ საქართველოს ნაკრებში, უკრაინის ნაკრებში თამაშის დროს ორმაგი მოქალაქეობა რომ ჰქონოდათ. მაშინ ეს ასე არ იყო და ჰქონდათ მხოლოდ უკრაინის მოქალაქეობა.
- როდის შეიძლება გადაწყდეს ეს პრობლემა?
- სხვათა შორის, ეს არ არის მხოლოდ ჩვენი პრობლემა. არის კიდევ არაერთი ქვეყანა, რომელსაც იგივე რამ აწუხებს. ჩვენ ამ დროისთვის ყოველდღიური კონტაქტი გვაქვს ფიფასთან. მიდის ამ საკითხზე მუშაობა და არის შანსი, რომ კანონი შეიცვალოს.
- წიტაიშვილი ახსენეთ. ვიცით, რომ ვაჩიბერაძესა და მახარაძეს სურთ საქართველოს ნაკრებში თამაში. წიტაიშვილის შემთხვევაში როგორ არის საქმე?
- მე შევხვდი ფეხბურთელის მამას. რა თქმა უნდა, ჩვენი დიდი სურვილია, რომ გიორგიმ საქართველოს ნაკრები გააძლიეროს. უბრალოდ, სანამ არ შეიცვლება კანონი, შესაბამისად, ჩვენც ვერაფერს შევცვლით.
- იგივე მდგომარეობაა აკაკი გოგიასთან დაკავშირებითაც?
- ამ შემთხვევაში სხვა პრობლემაცაა. საქმე ისაა, რომ გერმანიის კანონმდებლობით არ არის დაშვებული ორმაგი მოქალაქეობა და იმ შემთხვევაში, თუ გოგია გახდება საქართველოს მოქალაქე, მან ავტომატურად უნდა თქვას უარი გერმანიის მოქალაქეობაზე...
ლევან კობიაშვილი: ვლადიმირ ვაისის მიმართ, როგორც სანაკრებო, ისე საკლუბო დონეზე ინტერესები იყო
ლევან კობიაშვილი "ტორპედოს" შესახებ: არსებობს რეალური შესაძლებლობა, რომ კლუბში თანხები გაჩნდეს
![წიტაიშვილის საგოლე გადაცემა - კაცნაკლულმა "გრანადამ" სტუმრად "ეიბართან" ფრეს მიაღწია [VIDEO]](/pictures/image7/9fbd7adffe09d5d471d0d1e5836f7561.png "წიტაიშვილის საგოლე გადაცემა - კაცნაკლულმა \"გრანადამ\" სტუმრად \"ეიბართან\" ფრეს მიაღწია [VIDEO]")
![ქოჩორაშვილმა წიტაიშვილის "გრანადას" გაუტანა - "ლევანტე" მეორე ადგილზე გადავიდა [VIDEO]](/pictures/image7/91931800e730d285bccea704863aa314.jpg "ქოჩორაშვილმა წიტაიშვილის \"გრანადას\" გაუტანა - \"ლევანტე\" მეორე ადგილზე გადავიდა [VIDEO]")
ვისაც სურს ნაკრებში გამოსვლა, კეთილი ინებოს და ეროვნულ ჩემპიონატში ითანაშოს.მხოლოდ იმ ეროვნუ ჩემნპიონატში სადაც ყველა კლუბი იქნება კერძო კომერციული და მათ ფონდი დაურიცხავს არა უმეტეს 1 მილიონი ლარისა იმ პირობით რომ მათი საკუთარი ბიუჯეტი იქნება 2 და მეტი მილიონი ლარი!
კმარა უკვე უაზრო დროებითი ნაკრებების აწყობა-დაშლა და ექსპერიმენტები. ეროვნულ ლიგაში მოასპარეზეთა შეკრება უფრო ადვილი იქნება, უფრო ხშირად და ამათ ერთმანეთის სტილიც უფრო ახლოს ეცოდინებათ!