ლეგიონის უქმეები: ჯანო ანანიძის ოთხიდან ოთხი [VIDEO]

ამ უქმეებზე სულ სამი ქართული გოლი გავიდა. სამაგიეროდ, ვიხილეთ თორნიკე ოქრიაშვილის დებიუტი რუსულ პრემიერლიგაში...

რუსეთი. პრემიერლიგა.
გვახარებს ჯანო ანანიძის კარგი თამაში. ჩვენებურმა წინა ტური გამოტოვა და "სპარტაკს" "ორენბურგთან" მატჩში დაუბრუნდა. "სპარტაკმა" 3:1 მოიგო და 19 ქულით ლიდერია. მესამე გოლი ჯანოს ანგარიშზეა, მან დაუმუშავებლად, ეფექტური დარტყმით გაიტანა მასპინძელთა კარში.

ჯანომ ჩემპიონატის 4 თამაშში 4 გოლი გაიტანა, ბოლო 7 თამაშში ჯანომ 6 გოლი გაიტანა (ჩემპიონატი - 4, ევროთასი, ნაკრები - 1-1). "ჩემპიონატმა" ჩვენებურს 7,5 ბალი დაუწერა.

გიორგი ჭანტურიამ პირველად ითამაშა "ურალის" სასტარტო შემადგენლობაში, ის "ანჟისთან" მატჩში (0:1) 67-ე წუთზე შეცვალეს. "ჩემპიონატმა" ჩვენებურს 5,5 ბალი დაუწერა.

გიორგი ლორია შეუცვლელად იდგა "კრილიას" კარში, რომელიც შინ ცსკა-სთან 1:2 დამარცხდა. ჩვენებურს 4-ჯერ დაურტყეს კარში ზუსტად. "ჩემპიონატის" შეფასება - 6 ბალი.

"კრასნოდარის" რიგებში თორნიკე ოქრიაშვილის დებიუტი შედგა, მისმა გუნდმა 2:1 მოუგო "როსტოვს", ქართველი მოედანზე მე-60 წუთზე გამოვიდა.

რუსეთი. I დივიზიონი.
მამუკა კობახიძეს არ უთამაშია, მისი "ნეფტეხიმიკი" სტუმრად "ლუჩ-ენერგიასთან" 0:1 დამარცხდა.

იტალია. სერია A.
ლევან მჭედლიძე სათადარიგო იყო, მისი "ემპოლი" კი სტუმრად "ტორინოს" დაუზავდა - 0:0. "ემპოლის" მეორე ქართველი რომან ჭანტურია ტრავმირებულია.

იტალია. ლეგა პრო.
ირაკლი შეყილაძის გოლმა ვეღარ უშველა "ტუტოკუოიოს", რომელიც სტუმრად "არეცოსთან" 1:2 დამარცხდა. ჩვენებურმა შეუცვლელად ითამაშა, გოლი მან უკანასკნელ წუთზე შეაგდო.

გერმანია. ბუნდესლიგა.
სამწუხაროდ, ლუკას ჰუფნაგელი მხოლოდ ირიცხება "ფრაიბურგში", ბუნდესლიგის დაგემოვნების შანსი კი არ ეძლევა, "კიოლნთან" საგარეო მატჩში (0:3) ჩვენებურს შანსი არ მისცემია.

გერმანია. II ბუნდესლიგა.
აკაკი გოგიას (77-ე წუთზე შეცვალეს) "დინამო" მოულოდნელად შინ "აუესთან" 0:3 დამარცხდა. ოფიციალურ მატჩში დრეზდენელებს იანვრის მერე არ წაეგოთ.

საფრანგეთი. ლიგა 2.
ჯაბა კანკავა ჯერ არ არის მზად სათამაშოდ. "რეიმსი" მის გარეშე ეწვია "სოშოს" და 1:1 ითამაშა.

საფრანგეთი. ნასიონალი.
ამირან სანაიას (არ უთამაშია) "ლერბიე" სტუმრად "ბულონთან" 0:3 დამარცხდა.

ესპანეთი. ლა ლიგა 1|2|3.
ოთარ კაკაბაძე ისევ არ ჩანს "ხიმნასტიკში", კატალონიელები კი სტუმრად "ნუმანსიასთან" 0:1 დამარცხდნენ. "სევილიას" დუბლებმა ტრავმირებული გიორგი აბურჯანიას გარეშე მოუგო "უესკას" - 2:0.

ჰოლანდია. ერედივიზიე.
გურამ კაშიამ შეუცვლელად ითამაშა, მისმა "ვიტესმა" კი 2:0 მოუგო "იგლზს".

პორტუგალია. პრიმეირა.
გიორგი მაკარიძის (90 წ) "მორეირენშე" სტუმრად "ეშტორილთან" დამარცხდა - 0:2.

პორტუგალია. სეგუნდა.
ავთო ებრალიძის (არ უთამაშია) "ჟილ ვისენტე" სტუმრად "სპორტინგის" დუბლებს დაუზავდა - 2:2.

საბერძნეთი. სუპერლიგა.
თემურ ქეცბაიას აეკ-მა სტუმრად "ვერია" 2:0 დაამარცხა. წაგებულთა რიგებში 82-ე წუთზე შეცვალეს გიორგი ნავალოვსკი, რომელმაც პირველ ტაიმში ყვითელი ბარათი მიიღო.

ბელგია. პროქსიმუს ლიგა.
ლევან შენგელიას "ტუბიცე" სტუმრად "ლიერსთან" 1:5 შერცხვა. ქართველი ფორვარდი სათადარიგო იყო.

პოლონეთი. ექსტრაკლასა.
"შლიონსკს" "იაგელონიასთან" მოეცარა ხელი და 0:4 დამარცხდა. 59-ე წუთზე (0:3-ზე) მწვრთნელმა ლაშა დვალი შეცვალა.

გიორგი მერებაშვილის "პლოცკმა" "პოგონს" 2:0 მოუგო, ჩვენებური 81-ე წუთზე შეცვალეს.

"ლეგია" ვაკო ყაზაიშვილის გარეშე დამარცხდა შინ "ზაგლებიესთან" - 2:3. ვარშავული კლუბი კრიზისშია.

დანია. სუპერლიგა.
დავით სხირტლაძის (73-ე წუთზე შეცვალეს) "სილკებორგმა" "ორჰუსს" 1:0 მოუგო.

ნორვეგია. ტიპელიგენი.
გიორგი გოროზიას (76-ე წუთზე შეცვალეს) "სტაბეკმა" სტუმრად "ოდს" 1:0 მოუგო.

ავსტრია. ბუნდესლიგა.
გიორგი ქვილითაია ნელ-ნელა ეჩვევა "რაპიდს", რომელმაც "მატერსბურგს" 3:0 მოუგო. ჩვენებურმა ბოლო 5 წუთი ითამაშა.

ავსტრია. რეგიონალლიგა.
ლუკა ძიძიგურის (67-ე წუთზე შეცვალეს) "კუფშტაინმა" 4:0 მოუგო "შვაცს".

ჩეხეთი.
ზურაბ ცისკარიძე სათადარიგო იყო, მისი "ტეპლიცე" სტუმრად "პჟიბრამთან" დამარცხდა - 2:3.

უნგრეთი. OTP ლიგა.
ბუბა დაუშვილის "დიოშდიორი" 1:1 დაუზავდა "მეჟოკოვეჟდს". ბუბა 56-ე წუთზე შეცვალეს, მანამდე ის გააფრთხილეს.

ფინეთი. იუკონენლიგა.
ირაკლი სირბილაძის (90 წ) კპვ "ოულუს" 0:0 ეთამაშა.

გიორგი ოსიტაშვილის (90 წ) კტპ-მ სტუმრად 1:1 ითამაშა "ჯაზთან".

ისრაელი. ლიგატ ჰაა'ლი.
შოთა არველაძის "მაკაბიმ" სტუმრად "რაანანასთან" 3:0 მოიგო და 10 ქულით ლიდერია.

კვიპროსი. I დივიზიონი.
ქართველთა "ახნასი" შინ 1:2 დამარცხდა "ომონიასთან". ჩვენებურთაგან მხოლოდ ნიკა კაჭარავამ ითამაშა (გააფრთხილეს). გია გრიგალავა და გიორგი ილურიძე სათადარიგოები იყვნენ.

ირაკლი მაისურაძის (90 წ) "ერმისმა" სტუმრად დაამარცხა "დოქსა" - 2:1.

უკრაინა. პრემიერლიგა.
დუბლების ჩემპიონატში "შახტარის" რიგებში არ უთამაშია გიორგი არაბიძეს.

"ჩერნომორეცი" სტუმრად "კარპატის" 0:0 დაუზავდა. დავით ხოჭოლავამ შეუცვლელად ითამაშა, გიორგი გადრანს არ უთამაშია.

სანდრო კობახიძის (90 წ) "ვორსკლა" შინ "შახტართან" 0:1 დამარცხდა.

ჯაბა ლიპარტიას "ზორიამ" კი მოულოდნელად, სტუმრად დაამარცხა კიევის "დინამო" - 1:0. ჯაბა 62-ე წუთზე შეცვალეს. ამ მოგებით "ზორიამ" "დინამოს" გადაასწრო და მეორე ადგილზეა.

ლატვია
გიორგი დიაკვნიშვილის გარეშე მოთამაშე "რიგასმა" 1:0 მოუგო "იელგავას".

ესტონეთი
ზაქარია ბეგლარიშვილის (90 წ) "ფლორა" სტუმრად "ტამეკასთან" 2:3 დამარცხდა. "ფლორა" 30 ტურის მერე 60 ქულით მე-3 ადგილზეა.

ბელარუსი
"სლავიას" პაპუნა მოსემღვდლიშვილი დაუბრუნდა, თუმცა გუნდი სტუმრად "მინსკთან" 2:6 შერცხვა. ჩვენებური 68-ე წუთზე შეცვალეს, როცა ანგარიში მხოლოდ 1:2 იყო. 22 ტურის შემდეგ "სლავია" 27 ქულით მე-11 ადგილზეა.

ვალერიან გვილიას ბატე-მ 4:0 გაანადგურა "ნემანი", გვილიამ ტრავმა მიიღო და მე-14 წუთზე შეცვალეს.

აზერბაიჯანი
ზაურ სვანაძის "ინტერმა" ბაქოს "ნეფთჩის" დერბი მოუგო - 2:1. გამარჯვებულთა რიგებში შეუცვლელად ითამაშა ზურაბ ხიზანიშვილმა.

სომხეთი
გოგიტა გოგატიშვილის (არ უთამაშია) "განძასარი" შინ ირაკლი კვეკვესკირის (არ უთამაშია) "ალაშკერტთან" 0:2 დამარცხდა.

მოლდოვა
გურამ მაღალდაძის "საქსანი" ირაკლი ჩომახაშვილის "უნგენის" დაუზავდა - 2:2. ქართველებს არ უთამაშიათ.

ყაზახეთი
გოგიტა გოგუას (არ უთამაშია) "ორდაბასიმ" 1:0 მოუგო "ოკჟეტპესს".

კახა ცხადაძის "ქაირათმა" 2:1 მოუგო "ირტიშს". სტუმართა რიგებში გოლი 77-ე წუთზე შოთა გრიგალაშვილმა გაიტანა, რომელიც მოედანზე 13 წუთის შესული იყო.

უზბეკეთი
კახა მახარაძის "ლოკომოტივმა" სტუმრად 5:2 მოუგო "ოლმალიქს", ხოლო გიორგი კვესიეშვილის "ყიზილყუმი" სტუმრად "ბუხარასთან" დამარცხდა - 0:2.

(იბეჭდება მცირე ცვლილებით)
ყოველდღიური სპორტული გაზეთი "ლელო"