უეფამ ვაკო ყაზაიშვილის გუნდი ვარშავის "ლეგია" დასაჯა. პოლონური გუნდი ჩემპიონთა ლიგის ჯგუფური ეტაპის მე-4 ტურის მატჩს მადრიდის "რეალთან" საკუთარ მოედანზე გულშემატკივრების გარეშე ჩაატარებს. ამის შესახებ "ლეგიას" პრესსამსახური იუწყება.
"ლეგია"-"რეალი" 2 ნოემბერს გაიმართება. ცნობილია, რომ პოლონური კლუბი ვერდიქტს გაასაჩივრებს.
უეფამ "ლეგია" ჩემპიონთა ლიგის პირველ ტურში, დორტმუნდის "ბორუსიასთან" (0:6) თამაშის დროს მისი გულშემატკივრების ქცევის გამო დასაჯა. ევროპული ფეხბურთის მმართველმა ორგანომ არაერთი დარღვევა აღმოაჩინა, მათ შორის - რასიზმის გამოვლენა და ტრიბუნებიდან ნივთების სროლა.
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
