პერმის "ამკარის" მცველის, გიორგი ჯიქიას რუსეთის ეროვნული გუნდის შეკრებაზე გამოძახების შესახებ ნაკრების თავკაცმა სტანისლავ ჩერჩესოვმა განმარტება გააკეთა. მწვრთნელის თქმით, 22 წლის მცველის შეკრებაზე მიწვევა არ უკავშირდება საქართველოს ფეხბურთის ფედერაციის მიერ ცოტა ხნის წინ გამჟღავნებულ ინტერესს, რუსეთის მოქალაქეობის მქონე ჯიქია საქართველოს ნაკრებში ათამაშოს.შეგახსენებთ, რომ 1-ელ ნოემბერს რუსეთის საფეხბურთო კავშირის ოფიციალურ გვერდზე გამოქვეყნდა ქვეყნის ეროვნულ გუნდში გამოძახებულ ფეხბურთელთა 24-კაციანი სია, რომლებიც ყატარსა და რუმინეთთან ამხანაგური მატჩებისთვის მოემზადებიან. შეკრებაზე გამოძახებულია ჯიქიაც, რომელიც მართალია, განაცხადში არაა, მაგრამ გუნდთან ერთად მოემზადება და შესაძლოა, ამხანაგურ მატჩებშიც
- რუსებმა დაგვასწრეს - გიორგი ჯიქია რუსეთის ნაკრების შეკრებაზეა გამოძახებული!
- "ამკარის" გენ-დირექტორი: გიორგი ჯიქიას რუსეთის ნაკრებში თამაში სურს!
"ის ნაკრებში იმის გამო არ გამოგვაძახებია, რომ მის მიმართ დაინტერესება საქართველოში გამოხატეს. ჯიქია გაფართოებული შემადგენლობის სიაში პირველივე დღიდან გვყავდა.
არც ვიცოდი, საიდან იყო ის წარმოშობით და სხვასაც თუ ჰქონდა მისი ნაკრებში მიწვევის სურვილი. ჩვენ სიას ისე ვადგენთ, არც არავის ვეჯიბრებით და არც მომავალში ვაპირებთ, ჯიბრში ჩავუდგეთ.
ბოლოს და ბოლოს, ყველაფერი თავად ფეხბურთელის გადასაწყვეტია - მას აქვს უფლება, 10 ამხანაგური მატჩი ჩაატაროს და შემდეგ წავიდეს სხვა ნაკრებში", - თქვა ჩერჩესოვმა რუს ჟურნალისტებთან.
მომზადებულია ТАСС-ის მიხედვით
