26 წლის ნახევარმცველი გოგიტა გოგატიშვილი მინსკის "დინამოში" გააგრძელებს კარიერას. ამის თაობაზე ბელორუსული კლუბის ოფიციალური საიტი იტყობინება. ბელორუსის ერთ-ერთ საუკეთესო კლუბში ჩვენებურის გამოჩენა საყურადღებო ამბავია.
"დინამოში" მისვლამდე, გოგატიშვილი სომხეთის ჩემპიონატში თამაშობდა და კაპანის "განძასარის" ღირსებას იცავდა. ბოლო ორი სეზონის განმავლობაში გოგატიშვილმა ამ გუნდის შემადგენლობაში 44 მატჩი ჩაატარა და 4 გოლთან ერთად, 9 საგოლე გადაცემაც მიითვალა.
სხვადასხვა დროს, გოგატიშვილი თამაშობდა სტუ-ში, "სიონში", "ჩიხურაში", "გაგრასა" და "ოდიშში".
მინსკის "დინამომ" ბელორუსის ჩემპიონატი მესამე ადგილზე დაასრულა. ჩამორჩა მხოლოდ ბატე-ს და სოლიგორსკის "შახტიორს". მინსკელები ქვეყნის ღირსებას
გუნდის მთავარი მწვრთნელია მისი ყოფილი ფეხბურთელი სერგეი ბოროვსკი, ერთ დროს მარჯვენა მცველი, რომელიც სტაჟიან გულშემატკივრებს საბჭოთა ნაკრებიდანაც ემახსოვრებათ.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![ბელარუსმა ფეხბურთელმა ძალიან ლამაზი გოლი გაიტანა [VIDEO]](/pictures/image7/d99e57285ea0c1b5388e4856219c4977.jpg "ბელარუსმა ფეხბურთელმა ძალიან ლამაზი გოლი გაიტანა [VIDEO]")
