საქართველოს ქალ ფეხბურთელთა ნაკრების წევრი, 21 წლის ნათია სხირტლაძე საფრანგეთის რანგით მესამე დივიზიონში ითამაშებს. საფეხბურთო კლუბმა "კალვირა" მას ერთწლიანი კონტრაქტი გაუფორმა.ნათია ამპლუით მარცხენა მცველია. საფრანგეთში, სინჯებზე 10 სექტემბერს გაემგზავრა და იქ ერთი თვე დარჩა. როგორც თავად ამბობს, ფრანგებისთვის თავის მოწონება პირველივე ვარჯიშზე მოახერხა, შემდგომი პერიოდი კი ვარჯიშსა და ადაპტაციას მოახმარა.
"ძალიან კარგად შემხვდნენ, ყველაფერი ამიხსნეს. თანაგუნდელებს ჯერ ინგლისურად ველაპარაკები, მაგრამ ვეცდები, ფრანგული ვისწავლო," - ამბობს ნათია.
სხრიტლაძე ახლა გრძელვადიან ვიზას ელოდება, რომლის მიღების შემდეგაც საფრანგეთში გაფრინდება და კლუბს შეუერთდება.
