ბათუმის "დინამოს" მთავარმა მწვრთნელმა კონსტანტინ ფროლოვმა "იაგელონიასთან" ევროპა ლიგის პირველი საკვალიფიკაციო ეტაპის საპასუხო მატჩის წინ პრესკონფერენცია გამართა.შეგახსენებთ, რომ ამ გუნდების პირველი დაპირისპირება ქუთაისში პოლონური გუნდის გამარჯვებით, ანგარიშით 1:0 დასრულდა.
- დინამო(ბთ)-იაგელონია 0:1 - მონდომებას კლასმა აჯობა [VIDEO]
"გუნდში კარგი განწყობაა. შევეცდებით, ხვალ კარგი ფეხბურთი ვაჩვენოთ და კარგი შედეგი დავაფიქსიროთ, რომელიც შემდეგ ეტაპზე გასვლის საშუალებას მოგვცემს", - აღნიშნა ფროლოვმა.
ამასთან, ბათუმელთა თავკაცმა ჟურნალისტის მიერ მგზავრობასთან დაკავშირებით დასმულ კითხვაზე განაცხადა, რომ გუნდმა 4 საათი თვითმფრინავით იფრინა, ხოლო 4 საათი ავტობუსით იმგზავრა,
ფროლოვთან ერთად პრესკონფერენციას დაესწრო ელგუჯა გრიგალაშვილი, რომელმაც ასევე მომავალი მატჩის შესახებ ისაუბრა:
"ჩამოვედით იმისთვის, რომ ყველაფერი გავაკეთოთ შემდეგ ეტაპზე გადასასვლელად. მე მჯერა ჩვენი გუნდის და თუ ჩვენ მაქსიმუმს გავაკეთებთ, შევძლებთ მომდევნო ეტაპზე გასვლას. იმედია, ყველაფერი კარგად დასრულდება და ბედნიერები წავალთ სახლში".
![ეროვნული ლიგა. XXXI ტური. "დინამო" (ბთ) - "თელავი" [LIVE]](/pictures/image7/657764ee57ee032da5797e3c77c7848c.png "ეროვნული ლიგა. XXXI ტური. \"დინამო\" (ბთ) - \"თელავი\" [LIVE]")
![ეროვნული ლიგა. XXIX ტური. "დინამო" (ბთ) - "გაგრა" [LIVE]](/pictures/image7/aabaf85099ba61777969b1e7b4aac87d.png "ეროვნული ლიგა. XXIX ტური. \"დინამო\" (ბთ) - \"გაგრა\" [LIVE]")
