ესპანეთის ქალაქ ბარსელონაში გატარებული 10-დღიანი შეკრების შემდეგ თბილისის "დინამო" უკვე მარბელაში იმყოფება. შეგახსნებთ, რომ მარბელაში დინამოელები Impact Cup-ის გათამაშებაში ჩაერთვებიან, სადაც მათი პირველი მეტოქე პოლონური "კრაკოვია" იქნება. მატჩი თბილისის დროით 19:00 საათზე დაიწყება.
პოლონურ "კრაკოვიასთან" მატჩამდე "დინამოს" ერთ-ერთმა ყველაზე გამოცდილმა ფეხბურთელმა დავით ოდიკაძემ "გლადიატორების" ოფიციალურ ვებ-გვერდთან საუბარში ბარსელონაში განვლილ შეკრებასა და გუნდის ახალწვეულებზე ილაპარაკა.
"საკმაოდ ნაყოფიერი შეკრება გავიარეთ ბარსელონაში და კარგი სპარინგ-მატჩებიც გამოგვივიდა. ბარსელონაში ყოფნისას ყველაზე მეტად "კამპ ნოუს" სტადიონი დამამახსოვრდა, შთამბეჭდავი არენაა.
რაც შეეხება მარბელას, აქ ძალიან კარგად მოვეწყვეთ.
Impact Cup-ს ტურნირი 22-დან 28 იანვრამდე გასტანს. დინამოელთა მეტოქეები: კიევის "დინამო" (უკრაინა), "იანგ ბოიზი" (შვეიცარია), "სტრიომსგოდსეტი" (ნორვეგია), "ეკრანასი" (ლიტვა), "ვიდეოტონი" (უნგრეთი),მატერსბურგი (ავსტრია).
