ქართულ ფეხბურთს პატრიარქის დალოცვამაც ვერ უშველა

AutoSharing Option
"ფეისბუქზე" კარგად დავიწყებული ძველი სურათი გამოფინეს. 1990 წლის 27 აპრილს გამოსული გაზეთის, "ქართული ფეხბურთის" პირველი ნომრის სათავო გვერდზე საქართველოს კათალიკოს-პატრიარქის, ილია II-ის სურათი და მილოცვაა: "ღმერთმა დალოცოს ქართული ეროვნული ფეხბურთი".

იქვე მითითებულია იმ პირთა და ორგანიზაციების სია, რომლებიც პირველ ეროვნულ ჩემპიონატსა და ახლად დაარსებულ საქართველოს ფეხბურთის ფედერაციას ფინანსურად დაეხმარნენ. სიაში პირველი საქართველოს საპატრიარქო წერია - 100 000 მანეთი.

დიახ, ეს საერთოდ იყო პირველი შენაწირი, რაც პატრიარქის სურვილი გახლდათ და ილია II-მ ასე ახსნა - "აჯობებს, პირველი შენატანი ეკლესიამ გააკეთოს".

სამწუხაროდ,
1990 წელს კარგად და მადლიანად დაწყებული საქმე მადლიანად ვერ გავაგრძელეთ და ქართული ფეხბურთი დღევანდელ უფსკრულამდე მივიყვანეთ. საბჭოეთში რეიტინგით მესამე საფეხბურთო ქვეყანა დღეს არც სანაკრებო დონეზე ვარგა და არც საკლუბოზე.

ამ 23 წლის განმავლობაში ყველაფერში ჩამოვრჩით: ინფრასტრუქტურაში, დაფინანსებაში, გართულდა სპონსორებთან ურთიერთობა, ვერ ხერხდება ეროვნული ჩემპიონატის ტელევიზიებამდე მიტანა და შემდეგ სტაბილურად დამკვიდრება, ბავშვებში საერთო მეთოდოლოგიისა და მოთხოვნების დამკვიდრება, ფასიანი ჯგუფების მასობრიობამ კი ღარიბ ოჯახებს ფეხბურთისკენ გზა მოუჭრა.

მოკლედ, ჩვენი უთავბოლობით ქართულ ფეხბურთს ამ მადლიანი კაცის დალოცვამაც ვერ უშველა.

და კიდევ: რა თქმა უნდა, ჩვენი ფეხბურთის დაძაბუნებაში ერთ-ერთი გადამწყვეტი ფაქტორი აფხაზეთისა და სამაჩაბლოს მოწყვეტა იყო, თბილისის "დინამო" (საბჭოთა პერიოდის ეროვნული ნაკრები) ყოველთვის ბარაქიან შევსებას იღებდა. სიტყვებად რომ არ დარჩეს, ფაქტს მოგახსენებთ: 1994 წელს საქართველომ გასვლაზე ალბანეთს 1:0 სძლია და იმ დღეს ნაკრებში აფხაზეთიდან დევნილმა 6-მა ფეხბურთელმა ითამაშა - მურთაზ შელიამ, გიორგი ჩიხრაძემ, გელა ინალიშვილმა, თემურ ქეცბაიამ, გოჩა გოგრიჭიანმა და მიხეილ ჯიშკარიანმა.

ქართველების მასობრივი დეპორტაციის შემდეგ აფხაზეთსა და სამაჩაბლოში ვარსკვლავებს ძველებურად ვეღარ ზრდიან, მაგრამ ორი აზრი არ არის, ჩვენ შორის ურთიერთობების აღდგენა და მათი კლუბების საქართველოს ჩემპიონატში ჩართვა მნიშვნელოვანი საკითხია.

რომან ფიფია ბოლო წლებში პირველი ადამიანია, რომელმაც ეს თემა წამოსწია. თურქულ შეკრებაზე მოლდოველთა სეპარატისტული რეგიონის გუნდ "ტირასპოლთან" შეხვედრის შემდეგ თბილისის "დინამოს" პრეზიდენტმა ცნობილი განცხადება გააკეთა, სადაც ტირასპოლის კლუბი მისაბაძ მაგალითად დაასახელა და თქვა, რომ საქართველოს ჩემპიონატში აფხაზეთისა და ცხინვალის გუნდების ჩართვა სასურველი იქნებოდა.

ღმერთმა უწყის, ეს როდის მოხდება, მაგრამ თუ სურვილი არ გაჩნდა, საქმე მკვდარი წერტილიდან ვერ დაიძვრება. აფხაზ და ოს ძმებთან მისასვლელი გზა კი ყოველდღიურად უნდა ვეძებოთ.

ყოველდღიური სპორტული გაზეთი "ლელო"

ასევე იხილეთ:
რომან ფიფია: ჩემპიონატში აფხაზეთისა და ცხინვალის გუნდები - შესანიშნავი იქნებოდა
ფეხბურთი და პოლიტიკა: რას ვთავაზობთ აფხაზებსა და ოსებს?
ფიფა-მ აფხაზეთის საკითხთან დაკავშირებით პოზიცია დააფიქსირა
საქართველომ ფიფას შეახსენა - აფხაზეთი კოსოვო არაა!
"აფხაზეთის ნაკრები" ფიფასგან ამხანაგური მატჩების ნებართვას ითხოვს
ფიფამ კოსოვო აღიარა. რა იქნება აფხაზეთ-სამაჩაბლოს შემთხვევაში?

მკითხველის კომენტარები / 6 /
"აფხაზი და ოსი ძმები" რა კარგად ჟღერს ეს სიტყვები არა, მაგრამ სამწუხაროდ ეს მხოლოდ სიტყვებია. ძალიანაც რომ უნდოდეთ მათ ქართველებტან ძმობა, სანამ დიდი დათვი არ მისცემს ამის ნებას, ეს არ მოხდება. მაშაინ რად გვინდა ეს არაფრისმთქმელი საუბრები.პირველ რიგში რუსების შებმაა საჭირო, მაგრამ...........
zviadi
12:31 15-02-2013
0
რა სათაურია ეს, რა უბედურებაა???
Giorgipirweli
13:27 15-02-2013
0

სიახლეები პოპულარული