საქართველოს ნაკრებისა და "მილანის" მცველის, კახა კალაძის გამოსათხოვარი მატჩი 31 მაისს გაიმართება. საორგანიზაციო ჯგუფის ერთ-ერთმა ხელმძღვანელმა მამუკა კვარაცხელიამ "დინამო არენაზე" გამართულ პრესკონფერენციაზე მედიას დეტალურად გააცნო უფლებები და მოვალეობები.
"შევეცდებით, 31 მაისს უეფას სტანდარტები და უსაფრთხოების ნორმები მაქსიმალურად დავიცვათ.
მატჩის მსვლელობისას სტადიონზე სამი სახის დაცვა და კრიმინალური პოლიცია იმუშავებს - სტადიონის, ქალაქისა და სტუმრების დასაცავად.
აქვე ვიტყვი, რომ 15 ქვეყნის ფინანსთა მინისტრი, სხვადასხვა ქვეყნის ელჩები და ენერგეტიკის მინისტრები გვესტუმრებიან" - განაცხადა კვარაცხელიამ.
უეფას მედია-ოფიცერმა აკრედიტაციის შესახებაც ილაპარაკა. ამ საკითხმა მართლაც დიდი
"მატჩის გაშუქების სურვილი 419-მა ადამიანმა გამოთქვა, მაგრამ პრესლოჟაში სულ 160 ადგილია და ცხადია, ყველას სურვილი ვერ დავაკმაყოფილეთ. თუმცა მაქსიმალურად ვეცდებით, თამაშის გაშუქების საშუალება ყველა საინფორმაციო საშუალებას მივცეთ".
სამწუხაროდ, ვერ გვესტუმრება თბილისის "დინამოს" ყოფილი მცველი ახრიკ ცვეიბა. მომავალ მატჩთან დაკავშირებით, "აფსნიპრესმა" აფხაზი ფეხბურთელის კომენტარი გაავრცელა.
"ვიცნობ კახა კალაძეს და ვიცი, რომ გაცილების მატჩი გაიმართება, მაგრამ ეს მოვლენა უკვე პოლიტიკურ ჭრილშია გადასული. მე ჯერ აფხაზი ვარ, შემდეგ სპორტსმენი და პოლიტიკასთან შეხება არ მაქვს" - განაცხადა ცვეიბამ.
როგორც ჩანს, ქართველების მეგობარი ვეტერანი ფეხბურთელი იძულებული გახდა, ასე მოქცეულიყო.
მიზეზების ახსნა ზედმეტია. ცვეიბა საქართველოს მრავალგზის სწვევია და ქართველებთან მეგობრობს. მეტიც, ბევრი ჩვენი მოთამაშე გზაზე სწორედ მან დააყენა.
30 მაისს, 22:30 საათზე, მორიგ პრესკონფერენციას დავით მუჯირი და კალაძის მეგობრების გუნდში მონაწილე ფეხბურთელები გამართავენ, 23.00 საათზე კი მეგობრების გუნდის ღია ვარჯიში დაიგეგმა.
კალაძის მატჩზე აკრედიტაცია შეწყდა (იბეჭდება მცირე ცვლილებით)
ყოველდღიური სპორტული გაზეთი "ლელო"
ასევე იხილეთ:
თბილისში დანიელ მასარო, ფრანკო ბარეზი, ლუკა ტონი და ფერნანდო კოუტუც მოდიან
კახა კალაძემ ბასაზე ივარჯიშა [VIDEO]
კახი კალაძის გამოსამშვიდობებელ მატჩზე ბერა ივანიშვილის ორი სიმღერის პრემიერა შედგება
31 მაისის მატჩისთვის "მილანის" შემადგენლობა ცნობილია
