2 აგვისტოს "ზესტაფონმა" თურქული შეკრების ბოლო საკონტროლო მატჩი ითამაშა - თურქმენეთის ჩემპიონ "ბალკანს" 1:0 მოუგო. გოლი ავთანდილ ენდელაძემ გაიტანა. "ზესტაფონის" ვებგვერდის ცნობით, შეხვედრის პირველი ნახევარი თანაბარ ბრძოლაში წარიმართა. ენდელაძის პასით ირაკლი ქობალია აღმოჩნდა ხელსაყრელ პოზიციაში, მაგრამ შანსის გამოყენება ვერ მოახერხა.
მეორე ტაიმის დასაწყისში იმავე ქობალიასა და ენდელაძეს მართებდათ გოლის გატანა, თურქმენებმა კი საუკეთესო შესაძლებლობა ვერ გამოიყენეს: 62-ე წუთზე კახაბერ მეშველიანმა 11-მეტრიანი მოიგერია.
აქედან ცოტა ხანში კი "ზესტაფონმა" იმარჯვა - ახალწვეულ გიორგი ადამიას გადაცემით ენდელაძემ ისარგებლა და გამარჯვების გოლი შეაგდო.
"ზესტაფონმა"
ყოველდღიური სპორტული გაზეთი "ლელო"
![მსაჯის შეურაცხყოფისთვის ოქრიაშვილი გააძევეს - "სამგურალმა" "საბურთალოს" მოუგო [VIDEO]](/pictures/image7/822ed3dbaaf6c777ff6ce76764b28c67.jpg "მსაჯის შეურაცხყოფისთვის ოქრიაშვილი გააძევეს - \"სამგურალმა\" \"საბურთალოს\" მოუგო [VIDEO]")
