გორის "დილა" ევროპალიგის პლეი ოფში ვენის "რაპიდთან" საპასუხო შეხვედრას 29 აგვისტოს "მიხეილ მესხზე" გამართავს. ამ მატჩისთვის გორელები საფეხბურთო სკოლა "საბურთალოს" სტადიონ "ბენდელაზე" ემზადებიან. 26 აგვისტოს გამართულ ვარჯიშზე გუნდთან ერთად იყო რომან ახალკაციც.
33 წლის გამოცდილი შემტევი ნახევარმცველი, რომელსაც მოსკოვის "ლოკომოტივშიც" უთამაშია, გორელია და კარიერა სწორედ "დილაში" დაიწყო. ახალკაცმა წინა ჩემპიონატის საშემოდგომო ეტაპიც გორულ კლუბში ითამაშა და შარშან გუნდი ევროპალიგის პლეი ოფში რომ გავიდა, ამაში თავისი წვლილი შეიტანა. იანვრიდან კი "მეტალურგში" გადავიდა.
ახალკაცის რუსთავური ოდისეა ხანმოკლე გამოდგა - ზაფხულში "მეტალურგის" ახალმა
ის ორი თვე უგუნდოდ იყო და ახლაღა დააბრუნეს მშობლიურ "დილაში", რამაც ძალიან გაახარა.
ახალკაცი უკვე მიმდინარე ევროპალიგის განაცხადშიცაა და ავსტრიაში გასამგზავრებელი ვიზაც ჰქონდა, მაგრამ მცირე ტრავმის გამო შინ დარჩენა მოუწია. ახლა კი უკვე მეორე დღეა, გუნდთან ერთად ვარჯიშობს და "რაპიდთან" შესახვედრად ემზადება.
ყოველდღიური სპორტული გაზეთი "ლელო"
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
