36 წლის ასაკში გარდაიცვალა კახა ახალაძე - საქართველოს ასაკობრივი ნაკრებების ყოფილი ფეხბურთელი, ვინც ჩვენი ქვეყნის არაერთ გუნდში ითამაშა, ირანშიც გააგორა ბურთი, ბოლოს კი საქართველოს ფუტსალის ნაკრების წევრიც იყო...ბოლოს ის დიდი სიმამაცით ებრძოდა უკურნებელ სენს.
მისი გახსენება ვთხოვეთ მეგობრებს, რომლებიც მომხდარით თავზარდაცემულები არიან.
ლევან ცქიტიშვილი:
"შეძრული ვარ. ასეთი ადამიანები ჩვენ შორის ბევრი არ არის. უღალატო, ვაჟკაცი კაცი იყო. უპატიოსნესი. ისეთი წყნარი, რომ მისგან ერთ ზედმეტ სიტყვას ვერ გაიგებდით. ეს თითოეული ჩვენგანისთვის ტრაგედიაა.
თამამად შემიძლია ვთქვა - კახა იყო ადამიანი, რომელიც
გიორგი დეკანოსიძე:
"ის იყო ნამდვილი ქართველი ვაჟკაცი. ყოველნაირად დადებითი პიროვნება.
ბავშვობიდან ერთად მოვდიოდით. ცოტა უფროსი იყო ჩემზე, მაგრამ ერთადაც გვიწევდა თამაშებისთვის მზადება. მაშინ კახა 18-წლამდელთა ნაკრებში იყო, მე კი - ორი წლით პატარებში. გავიდა ცოტა დრო და თსუ-ში ერთად ვითამაშეთ.
რასაც ჰქვია დიდი ტალანტი, სწორედ ის იყო".
რეზო გოცირიძე:
"ძალიან მიჭირს... უახლოესი მეგობარი დავკარგე. ის ჯერ ძალიან ახალგაზრდა იყო. ერთად მოვდივართ მთელი ცხოვრება - წავიდა კახა და ისეთი შეგრძნება მაქვს, ყველაფერი წაიღო...
უკეთილშობილესი, ძალიან თბილი იყო. მას დიდი გული ჰქონდა. ყველას დაგვაკლდება, ძალიან დაგვაკლდება"...
(იბეჭდება მცირე ცვლილებით)
ყოველდღიური სპორტული გაზეთი "ლელო"
