საქართველოს ფეხბურთის ფედერაციის "ფეისბუქის" ოფიციალურ ვებგვერდზე უეფას სუპერთასის მატჩზე დასასწრებ ბილეთებთან დაკავშირებით ინფორმაცია გავრცელდა.აქვე გეტყვით, რომ Sportall.ge-ს ექსკლუზიური ინფორმაციით, ბილეთების გაყიდვა 18 ივნისს დაიწყება.
სფფ-ის ოფიციალურ განცხადებას ბილეთებთან დაკავშირებით კი უცვლელად გთავაზობთ:
"მეგობრებო, ვაკმაყოფილებთ რა საერთო ეროვნულ ინტერესს უეფას სუპერთასზე დასასწრებ ბილეთებთან დაკავშირებით, გთხოვთ, ყურადღებით გაეცნოთ შემდეგ ინფორმაციას:
უეფას სუპერთასის მატჩი "ბარსელონასა" და "სევილიას" შორის გაიმართება 11 აგვისტოს, "დინამო არენაზე", თბილისის დროით 22:45 წუთიდან.
მატჩზე დასასწრები ყველა ბილეთი საჯარო გაყიდვაში გავა საიტ www.biletebi.ge-ს
საიტზე რეგისტრირებულ თითოეულ მომხმარებელს შეეძლება მხოლოდ 4 ბილეთის შეძენა. ბილეთის ფასი: 15, 30 და 70 ლარი.
ბილეთით სარგებლობა შესაძლებელია იმავე პრინციპით, როგორც ზოგადად, ამ საიტით სხვა შემთხვევაში სარგებლობისას - ამობეჭდილი ბილეთის წარდგენით (ბარკოდის დანათებით).
ბილეთების გაყიდვა კორპორატიული წესით არ მოხდება. ასევე, არ ხდება რეზერვაცია.
ვინაიდან უკვე აღმოჩენილია არაერთი "ფეიკი" საიტი, რომელიც სუპერთასის ბილეთებს კატასტროფულად დიდ ფასად ყიდის, გთხოვთ, არ წამოეგოთ აფიორას, არ გახდეთ გადამყიდველთა მსხვერპლი, ისარგებლეთ და იხელმძღვანელეთ ჩვენ მიერ ზემოთ მოცემული ოფიციალური ინფორმაციით.
იმედია, ყველას გიხილავთ 11 აგვისტოს სტადიონზე!
წარმატებები".
