საიტი biletebi.ge, უეფას სუპერთასის მატჩის ბილეთებთან დაკავშირებით, საკუთარი "ფეისბუქ-გვერდის" მეშვეობით განცხადებას ავრცელებს. "გაცნობებთ, რომ ამ დრომდე გაყიდულია მხოლოდ 30 ბილეთამდე. უკვე გაყიდული ბილეთები არ გაუქმდება. გასაყიდად დარჩენილია 29 000-მდე ბილეთი! თუ როდის შეძლებთ დარჩენილი ბილეთების ყიდვას, ჩვენს გვერდზე დავწერთ, სისტემის გაშვებისთანავე" - ნათქვამია www.biletebi.ge-ს განცხადებაში.
შეგახსენებთ, რომ "ბარსელონასა" და "სევილიას" შორის მატჩი 11 აგვისტოს, "დინამო არენაზე", 22:45 საათზე დაიწყება.
biletebi.ge-ზე ბილეთების გაყიდვა დღეს უნდა დაწყებულიყო, თუმცა ამ დროისთვის საიტზე შესვლა კვლავ ვერ ხერხდება.
საიტზე არსებული ინფორმაცია ამ თემასთან დაკავშირებით
