როგორც შევიტყვეთ, ძალიან დიდია იმის ალბათობა, რომ 33 წლის ცენტრალურმა მცველმა ლაშა სალუქვაძემ კარიერა გორის "დილაში" გააგრძელოს, სადაც ის ადრე უკვე თამაშობდა. სალუქვაძის ბოლო კლუბი ბაქოს "ინტერი" იყო. გამოცდილი უკანახაზელის ანგარიშზე ეროვნულ გუნდში ჩატარებული 38 მატჩი და 1 გოლია.
რაც შეეხება "დილას", გუნდი ჩემპიონთა ლიგის მეორე საკვალიფიკაციო რაუნდისთვის მზადებას თურქეთში, ქალაქ აფიონში განაგრძობს. დღეს უჩა სოსიაშვილის გუნდი მორიგ ამხანაგურ შეხვედრას თურქეთის პირველი ლიგის "ალანიასპორტთან", თბილისის დროით 19:00 სთ-ზე გამართავს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
