"ბარსელონას" ბრაზილიელი თავდამსხმელი ნეიმარი ვერ ითამაშებს 11 აგვისტოს, თბილისში გასამართ უეფას სუპერთასის მატჩში, რომელშიც კატალონიური გრანდი "სევილიას" დაუპირისპირდება. "ბარსელონას" ოფიციალური საიტის ცნობით, ნეიმარს პაროტიტი (ყბაყურა) აქვს, რის გამოც 2 კვირა გაუცდება. არადა, ბრაზილიის ნაკრების 23 წლის ფორვარდი ამ დაავადებაზე მანამდე აცრილი ყოფილა.
თბილისური მატჩის გარდა, "ბარსელონას" მნიშვნელოვანი შეხვედრები ესპანეთის სუპერთასზეც ელის - 14 და 17 აგვისტოს, მადრიდის "ატლეტიკოსთან".
შეგახსენებთ, რომ მანამდე გავრცელდა ინფორმაცია, რომლის თანახმად უეფას სუპერთასის შეხვედრას "ბარსელონას" მცველი ჟორდი ალბა დააკლდება.
