უეფას სუპერთასის მატჩთან დაკავშირებით, დღეს თბილისის მეტროპოლიტენი გვიან ღამემდე იმუშავებს. როგორც "ინტერპრესნიუსს" მერიიდან აცნობეს, მეტროპოლიტენი მგზავრებს 03:00 საათის ჩათვლით მოემსახურება.
უეფას სუპერთასის მატჩი "ბარსელონასა" და "სევილიას" შორის 11 აგვისტოს, "დინამო არენაზე", თბილისის დროით 22:45 საათზე დაიწყება. შეხვედრის პირდაპირ ტრანსლაციას "საზოგადოებრივი მაუწყებლის" პირველი არხი განახორციელებს.
