ვიცე-პრემიერი, ენერგეტიკის მინისტრი კახა კალაძე მიესალმება, თუ "ქართუ ჯგუფი" ქართულ ფეხბურთს დააფინანსებს. როგორც კალაძემ ჟურნალისტებს მთავრობის სხდომის დასრულების შემდეგ განუცხადა, "ქართუ ჯგუფი" ჩვენი ქვეყნისთვის ძალიან მნიშვნელოვან პროექტებს ახორციელებს და სპორტშიც ძალიან ბევრი აქვს გაკეთებული.
"მორაგბეთა ნაკრების წარმატებულ გამოსვლაში დიდი წვლილი მიუძღვის "ქართუ ჯგუფს", რადგან მთელი ინფრასტრუქტურა და სტადიონები, რომლებიც შენდება, "ქართუ ჯგუფი" აშენებს. მე მივესალმები, თუ ფეხბურთშიც იქნება მათი მონაწილეობა", - განაცხადა ვიცე-პრემიერმა.
მომზადებულია interpressnews.ge-ს მიხედვით
