კატალონიის "ბარსელონას" ფორვარდმა ლიონელ მესიმ თბილისის "დინამოს" ნახევარმცველს, ჯაბა ჯიღაურს თავისი მაისური უმახსოვრა, რომელსაც თან ავტოგრაფი ახლავს.23 წლის ქართველმა ფეხბურთელმა ამის შესახებ "ფეისბუქში" დაწერა. როგორც პოსტიდან ვიგებთ, ჯიღაურს მესის მაისურის მოპოვებაში "დინამოს" ყოფილმა მწვრთნელმა ალექს გარსიამ შეუწყო ხელი, რომელიც თბილისური გუნდის გაწვრთნამდე "ბარსელონაში" მუშაობდა.
"საჩუქარი ლეო მესისგან. დიდი მადლობა ჩემს მეგობრებს, ალექს გარსიას და გიორგი ყოლბაიას", - წერს ჯიღაური.
