გია ცეცაძე: "გაბალასთანაც" ისე ვითამაშებთ, როგორც ჩემპიონატში ვთამაშობდით

"სამტრედიის" მთავარმა მწვრთნელმა გიორგი ცეცაძემ Sportall.ge-სთან ევროპალიგის პირველ საკვალიფიკაციო ეტაპზე მისი გუნდის მეტოქე შეაფასა.

შეგახსენებთ, რომ 20 ივნისს, შვეიცარიის ქალაქ ნიონში, ევროპალიგის პირველი საკვალიფიკაციო ეტაპის წილისყრა გაიმართა, სადაც "სამტრედიას" მეტოქედ აზერბაიჯანული "გაბალა" ერგო. მატჩები 30 ივნისს და 7 ივლისს გაიმართება.

ევროტურნირების წილისყრა: შევცვალოთ ბალანსი, ავიღოთ რევანში!
ალბათ, 50/50-ზეა, არა მგონია, რომელიმე კლუბს უპირატესობა ჰქონდეს. აზერბაიჯანის ჩემპიონატის მესამეადგილოსანი ხელწამოსაკრავი მეტოქე ვერ იქნება. ამიტომ იოლი მატჩი ნამდვილად არ გველის. თუმცა ადვილი გასეირნება არც მათ ელით. დანარჩენი გამოჩნდება.

დღეს გავიგეთ მეტოქე და დავიწყეთ გაანალიზება, ვინ ვინ არის, რა შესაძლებლობები აქვს და ა.შ.

მართალია, "გაბალამ" შარშან ევროპალიგის ჯგუფურ ეტაპზე ითამაშა და გამოცდილებას უდიდესი მნიშვნელობა აქვს, მაგრამ გასათვალისწინებელია ისიც, რომ ეს ის გუნდი აღარაა - შემადგენლობა თითქმის მთლიანად შეცვლილია.

ყველაფერი მაინც ნებაზეა დამოკიდებული - ვინც უფრო მეტს მოინდომებს და უფრო სწორ ანალიზს გააკეთებს, ის მოიგებს.

რა თქმა უნდა - შემტევი! ჩემი აზრით და, ზოგადად, ის თამაში, რომელსაც მთელი სეზონის განმავლობაში ვაჩვენებდით, ვაწყობდით, ვალაგებდით და ვდგამდით, ახლა რომ შევცვალოთ, ყველაფერი წყალში ჩაგვეყრება და ეს წარუმატებლობას გამოიწვევს. ამიტომ "სამტრედიას" რაც შეუძლია და როგორც გამოსდის გამართული თამაში, იმასვე ითამაშებს.

უბრალოდ, მეტოქეს უფრო მეტი კონცენტრაციითა და მაღალი კლასით უნდა ვაჯობოთ.

არაფრის შეცვლას არ ვაპირებთ: როგორი სტრატეგიითაც ვითამაშეთ საქართველოს ჩემპიონატში, ისევე ვითამაშებთ ნებისმიერ მეტოქესთან, მათ შორის, "გაბალასთანაც".