ჩიხურა-ზიმბრუ 2:3 - გულსაკლავი ქართული სურათი [VIDEO]

AutoSharing Option
AUTO PLAY
სტუმრად მოპოვებული გამარჯვების (1:0) შემდეგ საჩხერის "ჩიხურას" ევროპალიგის მეორე საკვალიფიკაციო ეტაპზე გასვლის მშვენიერი შანსი ჰქონდა, მაგრამ, სამწუხაროდ, ეს შანსი ვერ გამოიყენა - საპასუხო შეხვედრაში ბრაზილიელებით გადავსებულ "ზიმბრუსთან" 2:3 დამარცხდა და ევროთასებს პირველივე ეტაპზე გამოეთიშა.

- ზიმბრუ-ჩიხურა 0:1 - ყოჩაღ, "ჩიხურა"! ყოჩაღ, ფრუიძე! [VIDEO+PHOTO]

არადა, სოსო ფრუიძის შეგირდებს ორჯერ მიჰყავდათ ანგარიში, თუმცა კვლავ იჩინა თავი ქართულმა სენმა - ბოლო წუთებზე კონცენტრაცია დაკარგეს და... ისიც გავიხსენოთ, პირველ ტაიმში მასპინძლებმა თითქმის "გასახდელში" რომ გაუშვეს გოლი, ხოლო შემდეგ, იმავე მატჩის ბოლოს, მსაჯის მიერ კომპენსირებულ
დროში დაემართათ.

აღსანიშნავია, რომ ორივე შემთხვევაში "ჩიხურა" სტუმართა ბრაზილიელმა ლეგიონერმა ემერსონმა დასაჯა.

...თითქოს ავის მომასწავებლად, მატჩის დაწყებამდე ერთი საათით ადრე ზესტაფონში ცა ნაცრისფრად მოიქუფრა და ისეთი კოკისპირული წვიმა წამოვიდა, თამაშის ჩაშლის საშიშროება შეიქმნა. საგანგებო სიტუაციის გამო მატჩი 37 წუთის დაგვიანებით დაიწყო.

მინდორი წყლით იყო გაჟღენთილი და დამძიმებულ გრუნტზე ფეხბურთელებს გადაადგილება და სწრაფად მოქმედება უჭირდათ, ბურთი ხშირად ჩერდებოდა გუბეებში... მიუხედავად ამისა, გუნდებმა მატჩი აქტიურად დაიწყეს და ერთმანეთს საკმაოდ მაღალი ტემპი შესთავაზეს.

"ჩიხურამ" მეტოქეს თავიდანვე შეუტია. განსაკუთრებით აქტიურობდა საჩხერელთა მარჯვენა ფლანგი, სადაც საბა ლობჟანიძის რეიდებს მოლდოველები ვერაფერს უხერხებდნენ.

პირველი რეალური საგოლე მომენტი სწორედ ლობჟანიძემ შექმნა, როცა ორ მეტოქეს აუარა გვერდი და სახიფათოდ დაარტყა, თუმცა "ზიმბრუს" კარის დარაჯი დენის რუსუ დამაჯერებლად გაისარჯა.

მალევე, სტუმრებმა ქართველებს საკმაოდ სახიფათო შეტევით უპასუხეს. ფლანგიდან სპეტარუს დაბალი და გამჭოლი გადაცემის დაგვირგვინებას ემერსონი ცდილობდა, მაგრამ მასპინძლები მეკარე დინო ჰამზიჩმა გადაარჩინა.

ლობჟანიძის მონდომებასა და კარგ გარჯას "ჩიხურას" სწრაფი გოლიც მოჰყვა. მან ისევ დაჯაბნა მოლდოველი მცველები და მახვილი კუთხიდან დაარტყა. ბურთი ძელს მოხვდა, მაგრამ იქვე გიორგი ივანიშვილი გაჩნდა და ანგარიშიც გახსნა.

მალე ანგარიშის გაზრდაც შეიძლებოდა - ლუანის შეცდომის შემდეგ დიმიტრი ტატანაშვილს უნდა გაეტანა, მაგრამ ხეირიანად ვერ დაარტყა.

"ზიმბრუმ", რომელსაც უკანდასახევი გზა მოჭრილი ჰქონდა, მწვავედ შეუტია. მოლდოველთაგან განსაკუთებით ამანსიო ფორტესის სახიფათო თამაში უნდა გამოვარჩიოთ. სტუმართაგან მომენტებს, ძირითადად, ეს ბრაზილიელი ქმნიდა. ერთ ეპიზოდში, საჩხერელი მცველებისა და მეკარის შეუთანხმებელი მოქმედების შემდეგ, ფორტესს შესანიშნავი საგოლე შანსიც მიეცა, მაგრამ ჰამზიჩმა კარში დარტყმის საშუალება არ მისცა.

ჰამზიჩთან შეტაკებისას ფორტესი წაიქცა და მოლდოველები პენალტს ითხოვდნენ, მაგრამ სომეხმა არბიტრმა თამაშის გაგრძელება ბრძანა. შემდგომშიც, ფორტესისა და ჰამზიჩის ორი დუელიც საჩხერელთა კიპერის გამარჯვებით დასრულდა.

საპასუხოდ, კვლავ დიდებულად ითამაშა ლობჟანიძემ, რომელმაც სტუმართა თითქმის მთელი დაცვა ჩამოიცილა და კარში "მოჭრილიც" დაარტყა, თუმცა... არაზუსტად.

ტაიმის მიწურულს მოლდოველებმა შორეულ დარტყმებსა და ფლანგურ ჩაწოდებებს უხშირეს. განსაკუთრებით, "ზიმბრუს" მარჯვენა ფლანგი აქტიურობდა. ამან შედეგიც გამოიღო - მსაჯის მიერ დამატებულ, პირველი ტაიმის უკანასკნელ წამზე ემერსონმა თავურით გაათანაბრა ანგარიში - 1:1.

ფრუიძის გუნდმა მეორე ტაიმიც აქტიურად დაიწყო და რჩებოდა იმედი, რომ ბოლო მაინც კეთილი იქნებოდა.

ლობჟანიძის მიერ შესრულებული საჯარიმოს შემდეგ მოლდოველთა მეკარე გამოსვლაზე შეცდა, არეულობით ლევან კაკუბავამ ისარგებლა და მასპინძლები მეორედაც დააწინაურა.

ძალზე აქტიური იყო შეცვლაზე შესული დიეგო ლიმა, რომელიც სტუმართა შეტევების მთავარი ორგანიზატორი იყო. "ზიმბრუმ" ისარგებლა იმით, რომ "ჩიხურამ" უპირატესობა დათმო, ძალები მოიკრიბა და ანგარიში სწრაფადვე გაათანაბრა - "სტანდარტულისას" ჟარდანს თანაგუნდელისგან თავით მიუვიდა ბურთი და ახლოდან გადაგზავნა ჰამზიჩის კარში - 2:2.

მატჩის ბოლოსკენ მოედანზე ვითარება დაიძაბა, გახშირდა უხეშობა და მსაჯმაც ყვითელი ბარათები ბლომად ჩამოარიგა (ეს სომეხი არბიტრის, სურენ ბალიანის "სტილია" და მატჩის წინათქმაში "ლელომ" ამაზე მიანიშნა კიდეც "ჩიხურას" ფეხბურთელებს - რედ.).

აქტიურად ჩაერთო თამაშში ირაკლი ლექვთაძე, თუმცა კარში დარტყმები არ გამოუვიდა. ამასობაში, მასპინძლები აშკარა გოლს გადაურჩნენ - ილიე დამაშკანმა ხუთიოდე მეტრიდან ხარიხას მცირედით გადააცილა ბურთი, სპეტარუს თავური კი ჰამზიჩმა მოიგერია.

მატჩის ბოლო წუთებზე "ზიმბრუ" გაცილებით მწყობრად უტევდა, მაგრამ, მიუხედავად ამისა, "ჩიხურასაც" შეეძლო ეხეირა - ლექვთაძემ ხელსაყრელი პოზიციიდან ცუდად დაარტყა და ბურთი მეკარე რუსუს იოლი ნადავლი გახდა.

...მსაჯის მიერ დამატებულ მეორე წუთზე მოლდოველებმა სწრაფად განავითარეს საპასუხო შეტევა. მასპინძლები მოედნის ცენტრში შეცდნენ. შეტევის ბოლო ფაზაში სპეტარუს დარტყმა მცველებმა და მეკარემ ერთობლივი ძალებით მოიგერიეს, მაგრამ გამოვარდნილ ბურთთან ემერსონი გაჩნდა, რომელმაც მახვილი კუთხიდან დაარტყა და გამარჯვების გოლი გაიტანა.

საინტერესო იქნებოდა მატჩის შემდეგ მწვრთნელების მოსაზრებების მოსმენა, მაგრამ, სამწუხაროდ, ნახევარსაათიანი ლოდინის შემდეგ გამოგვიცხადეს, რომ პრესკონფერენცია არ ჩატარდებოდა და ამის მიზეზად... ჟურნალისტების სიმცირე (?!) დაასახელეს.

ევროპალიგა. I საკვალიფიკაციო ეტაპი. საპასუხო მატჩი
05.07. ზესტაფონი. "დავით აბაშიძე"
ჩიხურა-ზიმბრუ 2:3
(პირველი მატჩი 1:0)
გოლები: 1:0 ივანიშვილი (13), 1:1 ემერსონი (45), 2:1 კაკუბავა (55), 2:2 ჟარდანი (62), 2:3 ემერსონი (90)
ჩიხურა: ჰამზიჩი, გრიგალაშვილი, კაშია, რეხვიაშვილი, ჩიკვაიძე, კორიფაძე, კაკუბავა, დობროვოლსკი, ს. ლობჟანიძე (78. დეკანოიძე), ივანიშვილი (71. ლექვთაძე), ტატანაშვილი (90. მუმლაძე).
სათადარიგოები: სეფიაშვილი, სარდალიშვილი
მწვრთნელი: სოსო ფრუიძე
ზიმბრუ: რუსუ, ჟარდანი, ლუანი, ემერსონი, იზალდო, ერიკი (80. ზაგაევსი), ალექს ბრუნო, კულიბალი (39. დიეგო ლიმა), სპეტარუ, ფორტესი (88. ბურგიუ), დამაშკანი.
სათადარიგოები: ტიმბური, სტარიში, ჟალო, რუსნაკი
მწვრთნელი: ფლავიუს სტოიკანი
გაფრთხილება: ალექს ბრუნო (13), კაკუბავა (14), ემერსონი (17), ლუანი (26), ლექვთაძე (81), ტატანაშვილი (89), რეხვიაშვილი (90), დანიელ ჟალო (90. სათადარიგო), დობროვოლსკი (90)
არბიტრი: სურენ ბალიანი (სომხეთი)

(იბეჭდება მცირე ცვლილებით)
ყოველდღიური სპორტული გაზეთი "ლელო"
მკითხველის კომენტარები / 68 /
თამაშის დაწყებამდე ინტერვიუებში გუნდის ხელმძღვანელობა გაიძახოდა ზიმბრუ ძლიერი გუნდიაო, სად გაგიგიათ ზიმბრუს სიძლიერე მაგრამ ესენი ჩვენ გვამზადებდნენ თამაშის დაწყებამდე წასაგებად, ასე წაგებებით თვითონ ფულს შოულობენ და ხალხს და ქვეყანას ამცირებენ და სახელს უტეხავენ, ამათი საშველი არ იქნება ამათ დაფინანსება არ უნდა ქონდეთ სახელმწიფოსგან და თვითონ დაიშლებიან ეს უარგისები
zmo
06 ივლისი 2016 14:12
0
საცოდავები....
zzz
06 ივლისი 2016 14:02
0
შენ მოგმართავ ირაკლის სახელზე რომ აგიჟებ ქართველთს, რა გინდა და რას აკეთებ ამით, შენ ვინ მოგცა ამის უფლება რომ რაგბს ადიდებ და პირველ სპორტს ფეხბურთს წყევლი.....პატივი ეცი წასულ დარასელიას, შენგელიას, ყიფიანს , მესხის და ,,,,,,,,ბევრ ვაჟკაცს, და ეხლანდელებსაც , ვისაც სამშობლო უყვარს და მზადაა მისთვის სიცოცხლე გაწიროს. რაგბს აქვს თავის ადგილი, მაგრამ ფეხბურთს ვერასდროს ვერ შეედრება, ისევე როგორც კალათბურთი, წყალბურთი, ჟიდაობა და სხვები, მოდი სიყვარულით ავაღორძინოთ ყველა სპორტი, და არა სიძულვილით, და მალე „ხორვატიის სახელმწიფოსავით მაგრები ვიქნებით,/წინ ქართველნო გამარჯვებებისაკენ, ოღონდ დისციპლინით და სამშობლოს დიდებით..
მამლუქი ქუთაისელი
06 ივლისი 2016 14:01
0
ვაი თქვე უბედურებო!!შემაზიზღეს ფეხბურთი!
მატე
06 ივლისი 2016 13:48
0
sanam saqartveloshi gaioz darsdzis "dafrtianebuli" mwvrtnelebi iqnebian ukan-ukan wavalt sul!
andro
06 ივლისი 2016 13:20
0
საქართველოში ფეღბურთი უნდა აიკრძალოს...
ggg
06 ივლისი 2016 12:38
0
რაც ქვეკანააა,ისიც ფეხბურტი.......
თაზო
06 ივლისი 2016 12:37
0
ფუი და ფუი......
ქართველი
06 ივლისი 2016 12:35
0
რა დგესია კარტული ფეხბურტი,კარგად გამოჩნდა.არანაირი ფიზ მომზადება და მოკლედ აიკრდზალოს ფეხბურტი რაა
საბა
06 ივლისი 2016 12:30
0
ისე არაბუნებრივად უხარიათ გოლები უეჭველი ჩაწყობილი იყო
მირიანი
06 ივლისი 2016 12:28
0

სიახლეები პოპულარული