თბილისის "ლოკომოტივის" სტადიონზე გაიმართა საქართველოს თასის ფინალური შეხვედრა. ერთმანეთის პირისპირ თბილისის "დინამო" და საჩხერის "ჩიხურა" დადგნენ. პირველი ტაიმი უგოლო ფრით დასრულდა, "ჩიხურას" მეკარემ კი პენალტი მოიგერია.მეორე ტაიმში "დინამოს" უპირატესობა გამოიკვეთა, რაც მალე აისახა გოლებში. ჯერ გიორგი მერებაშვილმა გაიტანა ლამაზი გოლი "ჩიხურას" კარში, შემდეგ მერებაშვილის ჩაწოდებას თავით ლევან ხმალაძე გამოეხმაურა. ანგარიში 3:0 ირაკლი ძარიას გოლის შემდეგ გახდა.
სიტუაცია ბასკი მცველის, უსტარიცის გაძევების შემდეგ შეიცვალა. "ჩიხურა" რამდენჯერმე იყო ახლოს გატანასთან და ბოლო წუთზე ედიკ საჯაიამ "დინამოს" მცველების შეცდომა გამოიყენა - 3:1.
ასევე იხილეთ:
თბილისის "დინამო" დუბლს უმიზნებს, საჩხერის "ჩიხურა" - პირველ ტიტულს
