24 აგვისტოს საქართველოს დავით ყიფიანის სახელობის თასის პირველი ეტაპის დარჩენილი სამი შეხვედრა გაიმართა. ყველაზე დაძაბული შეხვედრა ზუგდიდში გაიმართა. "ბაიას ბაზაზე" ადგილობრივი "ოდიში 1919" და "გარდაბანი" დაუპირისპირდნენ ერთმანეთს. მატჩის ძირითადი დრო ფრედ, 1-1 დასრულდა. დამატებით დროში კვლავ ზუგდიდელები დაწინაურდნენ, მაგრამ მეორე დამატებითი ტაიმის მიწურულს გარდაბნელებმა გათანაბრება მოახერხეს. მასპინძლები ამ გოლმაც არ დააბნია და შეხვედრის ბოლო, 120-ე წუთზე ირაკლი ღიბრაძემ გამარჯვების გოლი გაიტანა.
დამაჯერებლად იმარჯვა "ბორჯომმა". კობა თედიაშვილის გუნდმა საკუთარ მოედანზე "საპოვნელას" უმასპინძლმა და მეტოქეს 4 უპასუხო გოლი გაუტანა. მასპინძლებმა შეხვედრის ბედი
შემდეგ ეტაპზე იასპარეზებს ხობის "კოლხეთიც". გია გურულის შეგირდებმა საკუთარ მოედანზე უმაღლესლიგელი "ცხინვალი" მიიღეს და 2:0 გაიმარჯვეს. გოლები ბექა ბაკურაძისა და ცოტნე ბუკიას ანგარიშზეა.
საქართველოს თასი. I ეტაპი
24 აგვისტო
ხობი. ცენტრალური.
კოლხეთი (ხ)-ცხინვალი 2:0
ბორჯომი. "ჯემალ ზეინკლიშვილი"
ბორჯომი-საპოვნელა 4:0
ზუგდიდი. "ბაიას ბაზა"
ოდიში1919-გარდაბანი 3:2
შეგახსენებთ, რომ საქართველოს დავით ყიფიანის სახელობის თასის პირველი ეტაპის 9 შეხვედრა 23 აგვისტოს გაიმართა.
- საქართველოს თასი: მერვედფინალის მონაწილე 9 გუნდი ცნობილია
პირველი ეტაპის 12 გამარჯვებული გუნდი მერვედფინალურ ეტაპზე გადაინაცვლებს, სადაც მათ ის გუნდები დაემატებიან, რომლებიც საქართველოს ევროთასებზე წარმოადგენდნენ. თასის გათამაშების ამ ეტაპის კენჭისყრა 30 აგვისტოს გაიმართება.
წყარო: GFF.GE
