ბოლო რამდენიმე დღის განმავლობაში მატიე, "ბარსელონას" ნებართვით, "სპორტინგთან" ერთად ვარჯიშობდა. დღეს 33 წლის ფრანგმა მცველმა კატალონიურ კლუბთან კონტრაქტი გაწყვიტა და ლისაბონელებთან 2-წლიანი ხელშეკრულება გააფორმა.მატიე "ბარსელონაში" 2014 წლიდან თამაშობდა. "ვალენსიადან" 20 მილიონ ევროდ ნაყიდმა ფეხბურთელმა კატალონიური გუნდის შემადგენლობაში 91-ჯერ ითამაშა და თავი 4 გოლით გამოიჩინა. ის "ბარსას" 9 ტიტულით "დამძიმებული" ტოვებს.
