"ბარსელონას" ნახევარდაცვის ლიდერი ჩავი ერნანდესი აცხადებს, რომ მისი გუნდი ახალი სეზონისთვის მზად არის."მიმაჩნია, რომ გუნდმა კარგი სამუშაო გასწია აზიურ ტურნეზე. ჩვენ მზად ვართ სეზონის სტარტისთვის. მართალია, კონფედერაციათა თასზე მონაწილე ფეხბურთელებმა ნაკლები ივარჯიშეს სხვებთან შედარებით, თუმცა ჩვენ უკვე დავალაგეთ სათამაშო რგოლები", - განაცხადა ჩავიმ.
ესპანეთის ჩემპიონმა მოსამზადებელი ეტაპის მეორე ნაწილი აზიურ ტურნეში გაატარა, სადაც სხვადასხვა ქვეყანა მოიარა და მალაიზიის ჩემპიონატის საუკეთესო ფეხბურთელთა ნაკრების 3:1 დამარცხების შემდეგ შინ დაბრუნდა.
"ბარსელონას" ახალი თავკაცი ხერარდო მარტინო 18 აგვისტოს "სანტიაგო ბერნაბეუზე" "ლევანტეს" წინააღმდეგ გაიყვანს.
ლა ლიგის წინ: "რეალის" ამერიკული და "ბარსელონას" აზიური ტრიუმფები [VIDEO]
