ესპანეთის შინაგან საქმეთა სამინისტრომ უარყო El Mundo-ს ინფორმაცია, თითქოს ლიონელ მესის მამა, ხორხე, ფულის გათეთრების საქმეში იყო ეჭვმიტანილი."სამოქალაქო გვარდიამ და კოლუმბიურმა მთავრობამ ნარკომოვაჭრეების ბანდების წინააღმდეგ ოპერაცია დაასრულა, რომლებიც კონცერტებისა და სპორტული ღონისძიებების მეშვეობით ფულს ათეთრებდნენ, მაგრამ ხორხე მესი ამ საქმიანობაში ჩართული არაა", - ნათქვამია ესპანეთის შინაგან საქმეთა სამინისტროს განცხადებაში.
ადრე ვრცელდებოდა ინფორმაცია, რომ საქველმოქმედო მატჩი "მესის მეგობრების" მონაწილეობით ფულის გათეთრების მიზნით გაიმართა, ხოლო ხორხე მესი ვითომ გათეთრებული ფულის 10-20 პროცენტს მიიღებდა.
მომზადებულია Sport.es-ის მიხედვით
