"ბარსელონას" პრეზიდენტმა სანდრო როსელმა ჩავი ერნანდესის როლი აღნიშნა გუნდში, რომელმაც ამას წინათ ესპანური კლუბის ყოფილი ფეხბურთელების ასოციაციისგან Fair Play-ს ჯილდო მიიღო."ჩავის გარეშე "ბარსელონას" თამაში აზრს დაკარგავდა. ის ჩვენი სტილის მთავარი კონსტრუქტორია.
ჩავი გუნდში რომ არ ყოფილიყო, გოლის გატანა გაგვიჭირდებოდა.
მან ინიესტასთან, ბუსკეტსთან და მესისთან ერთად "ტიკი-ტაკა" მოიგონა, ეს მისი სავიზიტო ბარათია.
ჩავის გარეშე "ბარსელონა" სხვა გუნდი იქნებოდა და ჩვენ ძალიან ვამაყობთ, რომ ის ჩვენი ოჯახის ნაწილია", - თქვა როსელმა.
მომზადებულია Inside Spanish Football-ის მიხედვით
