ყატარული კლუბის "ალ-სადის" წარმომადგენლებმა დაადასტურეს, რომ "ბარსელონას" ნახევარმცველი ჩავი ერნანდესი ამ ზაფხულს მათ გუნდში გადავა. ინტერნეტით უკვე გავრცელდა ფოტო, სადაც ჩავი კლუბის სპორტულ დირექტორთან მუჰამედ გულიამთან ერთადაა გადაღებული.ესპანური პრესის ცნობით, ჩავიმ ყატარულ კლუბთან სამწლიანი კონტრაქტი გააფორმა, ვადის კიდევ ერთი წლით გახანგრძლივების შესაძლებლობით. "ალ-სადში" 35 წლის ესპანელის წლიური ხელფასი 10 მლნ ევრო იქნება.
ყატარში თამაშის პარალელურად, ჩავი სამწვრთნელო ლიცენზიის აღებასაც იმედოვნებს. ამასთან, ჩავი ყატარის ფეხბურთის აკადემიაში კონსულტანტადაც იმუშავებს.
