კატალონიის "ბარსელონას" ესპანელი ნახევარმცველი ანდრეს ინიესტა გუნდს ორი თვის განმავლობაში ვერ დაეხმარება. აღნიშნული ინფორმაცია კლუბის ოფიციალურმა საიტმა გაავრცელა.კლუბის ცნობით, 32 წლის ნახევარმცველმა მარჯვენა მუხლი დაიზიანა და ის უახლოეს 6-8 კვირას გამოტოვებს.
შეგახსენებთ, რომ ინიესტამ ტრავმა ესპანეთის ჩემპიონატის მორიგ ტურში "ვალენსიასთან" სტუმრად გამართულ შეხვედრაში მიიღო. ერთ-ერთ სათამაშო ეპიზოდში ის ენცო პერესს შეეტაკა, რის შემდეგაც მოედნის ნაადრევად დატოვება მოუწია.
ამგვარად, ინიესტა სეზონის პირველ "ელ კლასიკოსაც" გამოტოვებს, რომელიც "ბარსელონასა" და მადრიდის "რეალს" შორის 4 დეკემბერს კამპ ნოუზე" გაიმართება.
