„ვოლფსბურგი“ ახალი სეზონისთვის გამალებით ემზადება და ფელიქს მაგათის გუნდმა კვირას პირველი სერიოზული ტესტ-მატჩი გამართა. მართალია, „მგლების“ 57 წლის დამრიგებელი ამბობს, ამ თამაშით სერიოზული დასკვნების გაკეთება არ შეიძლებაო, მაგრამ „დესპოტი ფელიქსი“ მაინც ვერ მალავს კმაყოფილებას იმის გამო, რომ მისმა შეგირდებმა „ჰამბურგი“ 5:1 გაანადგურეს - გოლები: ლაკიჩი, შაიდჰაუერი, მანჯუკიჩი, თუნჯაი (2).
ამავდროულად, მაგათი ტრანსფერებზე მუშაობას აგრძელებს და უკვე საკმაოდ სერიოზულ წარმატებებს მიაღწია. ასე, მაგალითად, ფელიქსი უკვე ყველაფერზე შეუთანხმდა 23 წლის შტუტგარტელ კრისტიან ტრეშს, სულ მალე კი შვაბურ კლუბთანაც მოილაპარაკებს (ფასის თაობაზე). ტრეშის
ამ უკანასკნელს ფრანკფურტულ კლუბთან კონტრაქტი 2012 წლამდე აქვს გაფორმებული და მაგათს მისი ყიდვა ახლავე უნდა. თუკი ტრეშის შემთხვევაში საქმე მინიმუმ 10 მილიონ ევროს ეხება, რუსი „მგლებს“ გაცილებით ცოტა, დაახლოებით 4 მილიონი ევრო დაუჯდებათ. მაგათს ახალი მცველი ძალიან სჭირდება, რადგან 32 წლის არნე ფრიდრიხი ისევ დაშავდა, რაც იმას ნიშნავს, რომ „ვოლფსბურგს“ დაცვაში საკადრო პრობლემები აქვს. გამორიცხული არც ისაა, რომ მაგათმა რუსთან ერთად, სხვა ცენტრალური მცველიც იყიდოს.
რაც შეეხება გამთამაშებლის პოზიციას: ადრეც გაუწყეთ, რომ მაგათს 26 წლის ბრაზილიელი ფლეიმეიქერის, დიეგოს გაყიდვა უნდა, მაგრამ ეს უკანასკნელი ჯერაც გუნდთან ერთადაა. მიზეზი აბსოლუტურად გასებია: დიეგომ ბოლო ორი სეზონი ძალიან ცუდად ჩაატარა და ჯერჯერობით სერიოზული მთხოვნელი არ ჰყავს. მაგათს კი მისი იაფად დათმობა არ უნდა. მართალია, ფელიქსმა 21 წლის მატეუშ კლიხის სახით ნიჭიერი შემტევი ნახევარმცველი იყიდა, მაგრამ ამ უკანასკნელს პირდაპირ ძირითად შემადგენლობაში ვერ გაამწესებს - უბრალოდ, ვერ ენდობა.
ფელიქსი იმასაც ამბობს, გამობრძმედილი გამთამაშებლის ყიდვა ამ ეტაპზე დღის წესრიგში არ დგასო. დიეგოზე მაგათს ხელი ჩაქნეული აქვს, სამაგიეროდ უნდა, რომ 28 წლის თომას კალენბერგს კიდევ ერთი შანსი მისცეს. „ჰამბურგთან“ მან გამთამაშებლის პოზიციაზე 22 წლის ია-ჩეოლ კოო და 29 წლის თურქი თუნჯაი სანლიც ათამაშა. გამორიცხული არც ისაა, რომ ტრეშის ტრანსფერის შემდეგ ფელიქსმა გამთამაშებლიან ტაქტიკაზე საერთოდ უარი თქვას და ორი კლასიკური 4-4-2-ით ითამაშოს.
გარკვეული ცვლილებები დაცვაშიცაა მოსალოდნელი. ფრიდრიხის ტრავმაზე უკვე ვთქვით, მარცხენა მცველმა მარსელ შეფერმა (27 წლის) „ვოლფსბურგთან“ ახალი კონტრაქტი გააფორმა, აი, მარჯვენა მცველ საშა რიტერს (28) კი წასვლა უნდა. კითხვაზე, კაპიტანი კვლავაც შეფერი იქნება, თუ ვინმე სხვა, მაგათი პასუხობს, ჯერ არ ვიცი, ყველაფერი მოსამზადებელ შეკრებაზე გამოჩნდება და გადაწყდებაო.
ყოველდღიური სპორტული გაზეთი "ლელო"
