"ბაიერნმა" "ბარსელონას" მეორე და მესამე შემადგენლობებს თითო გოლი გაუტანა, ძირითადი შემადგენლობის 12 ფეხბურთელის გარეშე დარჩენილ კატალონიურ კლუბს 2:0 მოუგო და ული ჰიონესის თასი მიუნხენში დატოვა. ვინც "ბარსას" შემადგენლობას გადახედავს, მიხვდება, თუ რატომ არ ღირს წინა ჩემპიონთა ლიგის ნახევარფინალის რიმეიქზე საუბარი - "ბარსას" რიგებში ვარსკვლავებიდან მხოლოდ მასკერანომ, ადრიანომ, სანჩესმა, მესიმ და ტელიომ ითამაშეს და მოედანზე მათაც მხოლოდ 45-45 წუთი დაჰყვეს.
ისეთი შთაბეჭდილება დაგვრჩა, რომ "ბარსელონამ" სპეციალურად იმიტომ ითამაშა მეორე და მესამე შემადგენლობით, რომ "ბაიერნის" ეს გამარჯვება არ შერაცხულიყო ისე, როგორც ხოსეპ
ანგარიში "ბაიერნის" კაპიტანმა ფილიპ ლამმა გახსნა - რაც არ უნდა პარადოქსულად ჟღერდეს, 1.70 მეტრი სიმაღლის მქონე ფეხბურთელმა "ბარსას" თავით გაუტანა! მეორე გოლი კი მარიო მანჯუკიჩის ანგარიშზეა.
აღსანიშნავია, რომ გვარდიოლამ ლამი ისევ წინ ათამაშა, დაცვის მარჯვენა ფრთაზე კი რაფინია ჰყავდა.
პირველ ტაიმში რეკორდმაისტერის თავდამსხმელი თომას მიულერი გახლდათ, მეორეში - მანჯუკიჩი. მათ უკან რიბერი და რობენი მოქმედებდნენ, ერთადერთი საყრდენი კი ისევ ტიაგო ალკანტარა გახლდათ, რომელმაც ვერ ითამაშა ისე კარგად, როგორც ტელეკომის თასზე.
იხილეთ ვიდეო
"ეს ჩემთვის განსაკუთრებული მატჩი იყო. ბიჭების თამაშით კმაყოფილი ვარ," - განაცხადა საფინალო სასტვენის შემდეგ გვარდიოლამ.
"ბარსელონამ" სრული შემადგენლობით არ ითამაშა, მაგრამ ეს გამარჯვება ჩვენთვის მაინც ძალიან მნიშვნელოვანია," - ეს რიბერის სიტყვებია.
ბაიერნი-ბარსელონა 2:0
გოლები: 1:0 ლამი (15), 2:0 მანჯუკიჩი (87)
ბაიერნი (4-1-2-2-1): ნოიერი (46. შტარკე) - რაფინია (73. ჩანი), დანტე (59. ვან ბუიტენი), ბოატენგი (68. კირხჰოფი), ალაბა - ტიაგო ალკანტარა (73. პისარო) - ლამი (60. ლუის გუსტავო), კროოსი (68. შვაინშტაიგერი) - რობენი (46. შაჩირი), რიბერი (67. კონტენტო) - თ. მიულერი (46. მანჯუკიჩი).
ბარსელონა (4-1-2-3): პინტო (46. ოლასაბალი) - მონტოია (46. სერხი გომესი), ბარტრა (46. სერხი სამპერი), მასკერანო (46. ილიე), ადრიანო (46. პატრიჩი) - სონგი (46. რომანი) - დოს სანტოსი (46. ესპინოსა), სერხი რობერტო (46. პლანასი) - სანჩესი (46. კინტილია), მესი (46. კიკო ფემენია), ტელიო (46. დანი ნიეტო).
გაფრთხილება: მასკერანო, ბარტრა
მაყურებელი: 71 137
ყოველდღიური სპორტული გაზეთი "ლელო"
ასევე იხილეთ:
ხერარდო მარტინოს "ბარსელონას" შემადგენლობა "ბაიერნთან" მატჩისთვის ცნობილია
