6 ნოემბერს დორტმუნდის "ბორუსია" ჩემპიონთა ლიგაში ლონდონის "არსენალს" მასპინძლობს და ამ მატჩთან დაკავშირებით, ინგლისურ პრესაში დორტმუნდელთა მთავარი მწვრთნელის, იურგენ კლოპის ინტერვიუ გამოქვეყნდა. 46 წლის სპეციალისტმა განაცხადა, რომ ექსტრავაგანტური ფეხბურთელების ფანია.
"ფეხბურთი, ყველაფერთან ერთად, შოუცაა, შოუს კი ექსტრავაგანტური მოთამაშეები ქმნიან.
მე თუ მკითხავთ, მსოფლიოს საუკეთესო ფეხბურთელის წოდებას ახლა ზლატან იბრაჰიმოვიჩი იმსახურებს. ბევრი მწვრთნელისგან მომისმენია, ზლატანთან ვერ ვიმუშავებდითო, მე კი მასთან დიდი სიამოვნებით ვიმუშავებდი.
იბრა შეუდარებელია და 32 წლის ასაკში უმაღლეს დონეზე თამაშობს. თუ "დორტმუნდში" გადმოვა, შემიძლია, ჩემი პარკინგის ადგილიც კი დავუთმო",
კითხვაზე, ააწყობდა თუ არა ურთიერთობას ზლატანთან, კლოპი ასე პასუხობს:
"აუცილებლად! იმიტომ, რომ გიჟ ფეხბურთელებს მე ყოველთვის ძალიან მოვწონდი, ოღონდ არ ვიცი, რატომ".
კლოპმა ლონდონის "არსენალზე" და მის თავკაც არსენ ვენგერზეც ისაუბრა:
"ვენგერი ძალიან მიყვარს, არსენი ჩემთვის სერია. მასაც უყვარს, როცა ფეხბურთელები ბურთს ფლობენ და ფეხბურთს თამაშობენ.
"არსენალი" ორკესტრივითაა, ოღონდ მშვიდი ორკესტრია. მე კი ჰევი მეტალი მიყვარს!
ფეხბურთელში, პირველ რიგში, ბრძოლის უნარს ვაფასებ. მიყვარს, როცა წვიმს და ფეხბურთელები ტალახში იბრძვიან".
სხვათა შორის, 6 ნოემბერს დორტმუნდში წვიმაა გამოცხადებული...
ყოველდღიური სპორტული გაზეთი "ლელო"
ასევე იხილეთ:
იურგენ კლოპი "დორტმუნდში" 2018 წლამდე!
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
![ჩემპიონთა ლიგა. III ტური: "რეალის" დიდებული ქამბექი და ქართველების გუნდების მორიგი წაგებები [VIDEO]](/pictures/image7/85f031dd491ca88e3b38145aab7d675a.jpeg "ჩემპიონთა ლიგა. III ტური: \"რეალის\" დიდებული ქამბექი და ქართველების გუნდების მორიგი წაგებები [VIDEO]")
![ჩემპიონთა ლიგა. II ტური: "სლოვანი" "სიტისთან" განადგურდა - "არსენალმა" პსჟ-ს, "ბაიერმა" კი "მილანს" მოუგო [VIDEO]](/pictures/image7/a0ae5a8ee8de435c45ad18e4029b420c.jpg "ჩემპიონთა ლიგა. II ტური: \"სლოვანი\" \"სიტისთან\" განადგურდა - \"არსენალმა\" პსჟ-ს, \"ბაიერმა\" კი \"მილანს\" მოუგო [VIDEO]")
![ჩემპიონთა ლიგა. I ტური: "სლოვანი" გლაზგოში განადგურდა - პსჟ-მა "ჟირონას" ძლივს მოუგო [VIDEO]](/pictures/image7/49dc2b1b39d69604ff7d2ea0e9ba49f7.jpg "ჩემპიონთა ლიგა. I ტური: \"სლოვანი\" გლაზგოში განადგურდა - პსჟ-მა \"ჟირონას\" ძლივს მოუგო [VIDEO]")
