მიუნხენის "ბაიერნის" ყოფილი პრეზიდენტი ული ჰიონესი, რომელიც ამჟამად ციხეში იმყოფება, იანვრიდან კვლავ "ბაიერნში" იმუშავებს.აღნიშნული ინფორმაცია დაადასტურა კლუბის ამჟამინდელმა პრეზიდენტმა კარლ ჰოპფნერმა.
სავარაუდოდ, ჰიონესს ციხიდან ნახევარი დღის განმავლობაში გამოუშვებენ, რომ მან "ბაიერნის" ერთ-ერთ განყოფილებაში იმუშაოს. საუბარია ახალგაზრდა ფეხბურთელებთან მუშაობაზე.
"ახალგაზრდულ განყოფილებაში მუშაობა მისი სურვილი იყო და ჰიონესი "ბაიერნთან" შრომით ხელშეკრულებას გააფორმებს", - თქვა ჰოპფნერმა Bild-თან საუბარში.
შეგახსენებთ, რომ ჰიონესს გადასახადების დამალვის გამო 3.5-წლიანი პატიმრობა მიუსაჯეს.
