"ბაიერნის" ერთ-ერთი ბოლო ვარჯიშის შემდეგ მარიო გიოტცეს "კიკერის" ჟურნალისტთან არა საკუთარ სპორტულ მიღწევებზე, არამედ საკუთარ მუსიკალურ პრიორიტეტებზე მოუწია ლაპარაკი. "მუსიკა ყველგან ჩემი თანმხლებია - სახლში და მატჩების წინ", - ამბობს გერმანული ფეხბურთის "ოქროს ბიჭი".
"გასახდელში მატჩების წინ ყოველთვის ხმაურია. ყოველთვის ვიღაც თამაშობს დი-ჯეის როლს". მარიოს საყვარელი მიმდინარეობებია R&B და ჰიპ-ჰოპი. მას განსაკუთრებით მოსწონს კანადელი შემსრულებელი აბელ ტესფაიე, რომელიც უფრო ცნობილია ფსევდონიმით - Weeknd (Earned it). "მომწონს მისი ხმა და მუსიკა, რომელსაც ის აკეთებს", - აღიარებს გიოტცე. მისი კიდევ ერთი საყვარელი
მაგრამ თუ გასახდელში მუსიკაზე პასუხისმგებლები სამხრეთამერიკელები არიან, გიოტცე აშკარად წუხდება... "ხანდახან დანტე ბრაზილიურ მუსიკას გვასმენინებს. ეს ჩემს ნერვებზე მოქმედებს", - ღიმილით ამბობს გიოტცე.
როცა 22 წლის ფეხბურთელი მინდორზეა, მას ყველაზე მეტად გულშემატკივრების სიმღერა მოსწონს. "ეს რაღაც განსაკუთრებულია", - აღიარა მარიომ.
კითხვაზე, ისურვებდა თუ არა რიანასთან ერთად დუეტში სიმღერას, მან მორცხვად განაცხადა: "ვფიქრობ, შევძლებდი ბექ-ვოკალის შესრულებას".
ამჟამად გიოტცეს სამი საყვარელი სიმღერაა:
The Weeknd - Earned It
Drake - Days In The East
Usher - Hush
ყოველდღიური სპორტული გაზეთი "ლელო"
