ჰოლანდიელი შემტევი ნახევარმცველი არიენ რობენი კვლავ მიუნხენის "ბაიერნის" საუკეთესო ფეხბურთელია. ისევე, როგორც გასულ წელს, 2014-15 წლების სეზონშიც კლუბის გულშემატკივრებმა საუკეთესოდ სწორედ რობენი გამოაცხადეს. ჰოლანდიელმა ხმების 32.9 პროცენტი მიიღო. მეორე ადგილზე გავიდა ნახევარმცველი თომას მიულერი - 20.1 პროცენტი, მესამეზე - მეკარე მანუელ ნოიერი ხმების 18.5 პროცენტით.
"ეს სასიამოვნო სიურპრიზია. მადლობა გულშემატკივრებს", - განაცხადა რობენმა ხმის მიცემის შედეგების შეტყობის შემდეგ.
საკუთარ კომენტარში არიენმა არ გამორიცხა, რომ სეზონის დასასრული მისი კლუბისთვის, შესაძლოა, უკეთესი გამოსულიყო, თავად რობენი რომ ყოფილიყო მწყობრში.
ჰოლანდიელმა ბუნდესლიგის 26-ე ტურში,
"ბუნებრივია, მაინტერესებს - როგორი იქნებოდა "ბაიერნის" შედეგები, მე რომ მინდორზე ვყოფილიყავი. 21 მატჩში 17 გოლი გავიტანე და რვა საგოლე პასი შევასრულე.
შეგიძლიათ წარმოიდგინოთ, რა მოხდებოდა, კიდევ 8-9 მატჩში რომ მიმეღო მონაწილეობა", - ამბობს არიან რობენი გამოცემა "კიკერთან" კომენტარში.
"ბაიერნმა" გასულ სეზონში ვადაზე ადრე გაიფორმა ბუნდესლიგის ტიტული, მაგრამ ვერ შეძლო გერმანიის თასისა და ჩემპიონთა ლიგის მოგება.
ყოველდღიური სპორტული გაზეთი "ლელო"
