ბუნდესლიგის ახალწვეულმა და ერთ-ერთმა ლიდერმა "ლაიპციგმა", სეზონის დაწყებიდან სულ რაღაც 10 ტურის გასვლის შემდეგ, საჩემპიონო მაისურები უკვე დაამზადა. ამის შესახებ Bild-ი იუწყება.გუნდი ამჟამად ჩემპიონატის სატურნირო ცხრილში მეორე ადგილს იკავებს და ლიდერ მიუნხენის "ბაიერნს" მხოლოდ დამატებითი მაჩვენებლებით ჩამორჩება. ორივე კლუბის აქტივში 24-24 ქულაა.
"ლაიპციგმა" ბუნდესლიგაში ჩატარებული 10 მატჩიდან 7 მოიგო, 3 კი ფრედ დაასრულა. მანამდე გუნდის მთავარმა მწვრთნელმა რალფ ჰაზენჰიუტლმა კითხვაზე, შესწევს თუ არა მის გუნდს ძალა ჩემპიონობისთვის, უპასუხა, რომ ფეხბურთში შეუძლებელი არაფერია.
