"მანჩესტერ იუნაიტედის" ბანაკში ეიმედებათ, რომ 24 წლის ალვარო მორატას ტრანსფერის ამბავი კვირის ბოლომდე, ანუ იქამდე მოგვარდება, სანამ "წითელი ეშმაკები" ამერიკის შეერთებულ შტატებში ტურნეზე გაემგზავრებიან. ის, რომ "მანჩესტერს" ეჩქარება, "რეალს" შანსს აძლევს, დავიდ დე ხეასთვის კიდევ ერთხელ და საფუძვლიანად გაიბრძოლოს. 26 წლის მეკარეს "სამეფო გუნდი" ვერ ივიწყებს და შეეცდება, მორატას ამბავი გამოიყენოს.
მადრიდის "რეალის" ვარსკვლავის გარდა, "ოლდ ტრაფორდის" ბინადრები "ბარსელონას" სუპერვარსკვლავის, ნეიმარის დამატებაზეც არ იტყვიან უარს. ინგლისური ჟურნალ-გაზეთების ინფორმაციით, "მანჩესტერი" და "პარი სენ-ჟერმენი" მზად არიან, ბრაზილიელის გამოსასყიდი თანხა 175 მილიონი გირვანქა
აქვე ვთქვათ, რომ "მანჩესტერს", კონკრეტულად კი, მათ მთავარ მწვრთნელ ჟოზე მოურინიოს მარკ ბარტრას დამატება სურს. 26 წლის ესპანელში, რომელიც ამჟამად გერმანულ "დორტმუნდში" ბურთაობს, პორტუგალიელი სპეციალისტი დიდი თანხის გადახდისთვისაა მზად.
ყოველდღიური სპორტული გაზეთი "ლელო"
