"ევერტონი" უეინ რუნის დამატებისთვის ყველაფერს გააკეთებს. "კანფეტების" ახალი მფლობელი ფარჰად მოშირი სერიოზულადაა განწყობილი და ახლა მთავარია, 31 წლის ფეხბურთელმა საბოლოოდ გადაწყვიტოს "ოლდ ტრაფორდის" დატოვება. ბოლოს, როდესაც რუნიმ ამ თემაზე საჯაროდ ისაუბრა, კითხვას - უნდა თუ არა "მანჩესტერში" დარჩენა - უპასუხა, რომ რასაკვირველია, მინდა, მაგრამ თამაშიც მსურსო.
თუ უეინი ჟოზე მოურინიოს ვერაფერზე შეუთანხმდება და "წითელი ეშმაკების" დატოვებას გადაწყვეტს, მიუხედავად ბევრი მსურველისა, სავარაუდოდ, სიყრმის კლუბს, "ევერტონს" აირჩევს. იგი "ოლდ ტრაფორდზე" სწორედ "გუდისონ პარკიდან" გადაბარგდა 2004 წლის აგვისტოში 27 მილიონი გირვანქის სანაცვლოდ.
ფაქტია,
თავად "იუნაიტედი" კიდევ ერთხელ შეეცდება ივან პერიშიჩის ხელში ჩაგდებას და მილანის "ინტერს" განახლებული შეთავაზებით მიმართავს. იტალიური გუნდი 28 წლის ხორვატს 48 მილიონ გირვანქას აფასებს, რაც მანჩესტერელებს ეძვირებათ.
იგივე პრობლემაა ალვარო მორატას შემთხვევაშიც - გამყიდველი იმაზე მეტს ითხოვს, ვიდრე მყიდველი იხდის. "სამეფო კლუბს" 24 წლის თავდამსხმელი 72 მილიონზე ნაკლებად არ ეთმობა.
ყოველდღიური სპორტული გაზეთი "ლელო"
